Úndistandaǵy dúnıejúzilik shahmat olımpıadasynyń altynshy kúninde birqatar tosyn nátıje tirkeldi. Qazaqstannyń erler quramasy bul týrda Chehııadan basym tússe, qyzdar quramasy Ázerbaıjan shahmatshylaryna jol berdi.
Erler arasyndaǵy altynshy týr básekesinde qazaqstandyqtar álemdik reıtıngte 13-orynda turǵan Chehııa quramasymen jolyǵyp, 2,5-1,5 esebimen aılasyn asyrdy. Qazybek Nógerbek pen Arystanbek Orazaev qarsylastaryn jeńip, bir-bir upaıǵa qol jetkizse, Rınat Jumabaev teń oınady. Al Álisher Súleımenov jeńilip qaldy. Aıta keteıik, Qazybek Nógerbek qatarynan alty oıynda qarsylastarynan basym túsip otyr.
О́kinishke qaraı, qyzdarymyz Ázerbaıjan shahmatshylarynyń qarqynyna tótep bere almady – 1:3. Bul oıynda Jansaıa Ábdimálik pen Bıbisara Asaýbaeva teń oınasa, Ksenııa Balabaeva men Gúlishan Nahbaeva qarsylastaryna ese jiberdi.