ASTANA. 6 mamyr. 6-8 mamyr aralyǵynda Qazaqstannyń birqatar oblystarynda joǵary atmosferalyq qysym ornaıdy. Máselen, kúndiz aýa 20-30 gradýsqa deıin jylynady. Bul týraly «Qazgıdromet» habarlady.
Elimizdiń ońtústigi men ońtústik-shyǵysynda aýa temperatýrasy 25-30-dan 36 gradýsqa deıin kóterilýi múmkin.
Al batysta 6 mamyrda, soltústikte 8 mamyrda keı jerlerde ótkinshi jańbyr jaýyp, naızaǵaı oınap, jeldiń soǵý jyldamdyǵy 13-18 m/s-ǵa deıin jetýi yqtımal. Sondaı-aq, Shyǵys Qazaqstan oblysynda shańdy daýyl bolady.
«Qazgıdromet» aldaǵy táýlikterde Esil ózeninde kóktemgi sýdyń jaıylýy artyp, sý deńgeıiniń kóteriletinin, sol sııaqty, respýblıkamyzdyń ońtústik, ońtústik-shyǵys jáne shyǵys óńirlerinde de sý kólemi kóbeıetinin eskertedi.
Joldybaı Bazar.
Derekkóz: «Qazgıdromet».
Foto: voxpopuli.kz.