ATYRAÝ. 6 mamyr. Oblys ortalyǵyndaǵy Azattyq-Telman kósheleriniń qıylysynda jol asfalty opyrylyp, kóliktiń aldyńǵy dóńgelegi túsip ketti. Bul týraly oblystyq ishki ister departamenti baspasóz qyzmetiniń deregine silteme jasaǵan egemen.kz tilshisi habarlady.
Oqıǵa 5 mamyr kúni keshke bolǵan. Mundaı oqys jaǵdaı Atyraýda alǵash ret tirkelip otyr. «BMW» kóliginiń júrgizýshisi Azattyq kóshesimen kele jatyp, Telman kóshesine burylǵan sátte joldyń asfalty opyrylyp túsken. Saldarynan tereńdigi shamamen 1,5-2 metrlik shuńqyr paıda bolǵan. Bolǵan jaıttan eshkim zardap shekken joq.
Oqıǵa ornyna jetken ishki ister departamentiniń jáne «AtyraýSýArnasy» kásipornynyń mamandary asfalttyń opyrylyp ketýine ne bolǵanyn anyqtaýǵa kiristi.
Joldasbek Shópeǵul.
Derekkóz: egemen.kz.
Foto: egemen.kz.