Kóne Taraz topyraǵynda júrgizilgen ár jyldardaǵy qazba jumystary kezinde tabylǵan kóne jádigerler tarıhtan tamyr tartyp turady. Sodan da bolsa kerek, oblystyq tarıhı-ólketaný mýzeıine kelýshilerdiń sany sıregen emes. Tipti Qarahan men Aıshabıbi kesenesin kórýge kelgen týrıster de mýzeıge bas suqpaı ketpeıdi.
Mýzeı qoryndaǵy kóne jádigerlerdiń biri – saq dáýirinen jetken qola qazan. Derekterge kóz júgirtsek, bul jádiger IV-VIII ǵasyrlardan syr shertetin kórinedi. Atalǵan qazandy kezinde tarazdyq azamat kezdeısoq taýyp alǵan desedi.
«Saq dáýirinen jetken qola qazandy 2006 jyldyń jaz mezgilinde Taraz qalasynyń turǵyny S.Kýdrın Aqsý-Jabaǵyly qoryǵy mańynan kezdeısoq taýyp alyp, mýzeı qoryna ákep ótkizgen. Bizdiń qordaǵy esh bóligi synbaı, bútin kúıinde jetken erekshe jádigerlerdiń sanatyna jatady. Derekterge sensek, saq taıpasynyń ókilderi qurbandyqqa shalǵan mal etin dál osyndaı qazanǵa salyp asatyn bolǵan eken. Qazannyń syrtqy bóliginde jarty shar tárizdi órnekter saqtalǵan. Ol baıqap qaraǵan adamǵa aıqyn kórinedi», deıdi oblystyq tarıhı-ólketaný mýzeıiniń ekskýrsııalyq jáne kópshilikke qyzmet bóliminiń meńgerýshisi Juldyz Almanqulova.
Jambyl oblysy