Batys Qazaqstan oblysynda «Qazposhta» AQ poshta bólimshesiniń eki qyzmetkeri 37 mıllıon teńgeden asa qarjy jymqyrǵany úshin sottaldy, dep habarlaıdy Egemen.kz QMA baspasóz qyzmetine silteme jasap.
«QMA BQO boıynsha departamenti «Qazposhta» AQ poshta bólimshesiniń eki qyzmetkeriniń JShS biriniń shotyna ótkizgen aqshasyn 4 jyl boıy urlaý deregin anyqtady. Barlyǵy 37 mıllıon teńgeden asa aqsha urlanǵan. Sonymen qatar, olar 2013-2020 jyldary ishinde qujattardy qoldan jasaý arqyly zeınetkerdiń 1,2 mıllıon teńgedan asa qarajatyn ıemdenip alǵan», delingen habarlamada.
QMA málimetinshe, operatorlar 7 jylǵa bas bostandyǵynan aıyrylǵan. Olarǵa qarjylyq jáne memlekettik uıymdarda materıaldyq jaýapty qyzmetterdi atqarýǵa ómir boıyna tyıym salynady.