Oblystyq tarıhı-ólketaný mýzeıi qoryndaǵy bul jádigerdi bir qaraǵanda kıiz úı dep oılap qalǵanbyz. О́ıtkeni pishini soǵan kelip tur. Dese de bul kıiz úı pishindes jádigerimiz shyraǵdan bolyp shyqty. Mýzeıge kelýshilerdiń basym kópshiligi áýelde kıiz úı dep oılap qalady eken.
Qolda bar derekterge júginsek, qundy jádigerdi tarazdyq ekskavatorshy Pıter Levıchev tapqan eken. Shyraǵdan burynǵy bazar mańynda júrgizilgen qazba jumystary kezinde tabylǵan kórinedi. Osylaısha, ǵasyrlar boıy ejelgi shahar ornynda kómýli kúıinde jatqan jádiger mýzeı qoryn tolyqtyrǵan. Al mýzeıge kelgen qonaqtar atalǵan jádigerdiń tarıhy týraly jıi-jıi suraıtyn kórinedi.
«Kıiz úı pishindes shyraǵdan ǵalymdardyń aıtýynsha, IH-H ǵasyrlardan jetken jádiger sanalady. Onyń tómengi jaǵynyń dıametri
18 santımetr bolsa, jalpy bıiktigi 14 santımetrdi quraıdy. Jurtty dál osy buıymnyń ýaqytynda qandaı maqsatpen paıdalanylǵany qyzyqtyratynyn baıqap júrmiz. Alaıda bul máselege qatysty ǵalymdardyń da pikiri ekige jarylyp otyrǵanyn aıta ketken lázim. Mamandardyń biri jádigerdi adamdar kezinde dinı atrıbýt retinde paıdalanǵan dese, endi bir mamandar ádettegi shamnyń qyzmetin atqarǵan degendi alǵa tartady. Sondyqtan naqty bir kesimdi pikir aıtý – qıynnyń qıyny. Qalaı bolǵan kúnde de bul shyraǵdan bizdiń mýzeıdegi qundy jádigerlerdiń sanatynda», deıdi oblystyq tarıhı-ólketaný mýzeıiniń qyzmetkeri Aıdana Mekemova.
TARAZ