Memleket basshysy kótergen máseleler qazaqstandyqtardy enjar qaldyrǵan joq. Osy turǵyda «Jańa Qazaqstannyń» negizgi uǵymynda keleshekte Prezıdenttiń jeti jyl merzimge jáne qaıta saılaný quqyǵynsyz tańdalýy jatyr dep oılaımyn.
«Ádiletti Qazaqstandy qurý jolynda túbegeıli jáne jan-jaqty reformalardy tabysty júzege asyrý úshin halyqtyń jańa senim mandaty qajet. Men úshin memleket múddesi bárinen bıik. Sondyqtan men ókilettik merzimimdi qysqartýǵa jáne kezekten tys Prezıdent saılaýyna barýǵa daıynmyn», dedi Qasym-Jomart Kemeluly.
Shynyn aıtaıyn, mundaı mándegi málimdemeni men ózge qoǵam múshelerimen birge kútken edim. Prezıdent pen Úkimettiń senimdi jáne josparly jumysy úshin qoǵamdaǵy jaǵdaı turaqty bolýǵa tıis. Árbir saılaýda demokratııalyq damýymyzǵa basqa qyrynan úńilýge, halyqtyń talap-tileginiń jańa toǵysýlaryn baıqaýǵa múmkindik alamyz. Bıyl maýsym aıynda Ata Zańymyzǵa engizilgen ózgeristerdi júzege asyrýdyń kezeńi osy Joldaýdan bastalatyny aıqyn ańǵaryldy. Basty zańymyz qýatty bolýy úshin ol basqa zańdardan ústem bolýy kerek.
Alda iske asatyn reformalar aýqymdy, ári qamtıtyn salalary da az emes. Ásirese, belsendi jastarymyzǵa jasalatyn qoldaý túrleri, olarǵa mólsherlemesi tómen nesıe berý, reformalardy júzege asyrýdyń jańasha tetikterin engizý, áleýmettik kómek túrlerin ulǵaıta otyryp, halyqtyń tabysyn arttyrý máseleleri qoǵam úshin asa ózekti. Sondyqtan mańyzdy qujat bul jaǵynan alǵanda asa qundy. Keleshekte jemqorlardyń zańsyz tapqan qarjysy olar sottalǵan soń memleketke ótip, túgeldeı mektep qurylysyna jumsalýǵa tıis degen tapsyrmasy da júrekke jyly tıdi.
Iýrıı KOLESNIKOV,
zań ǵylymdarynyń kandıdaty,
S.Toraıǵyrov memlekettik ýnıversıtetiniń dekany
Pavlodar oblysy