Eýrazııalyq odaqqa kózqaras

Eýrazııa damý bankiniń yqpaldastyq zertteý ortalyǵy men «Qoǵamdyq pikir» zertteý ınstıtýtynyń uıym­dastyrýymen VII Astanalyq ekono­mıkalyq forýmy aıasynda «Eýrazııalyq yqpaldastyqty qoǵamnyń qabyldaýy» paneldi sessııasy ótedi. Bul sessııa halyq tarapynan ekonomıkalyq, saıası jáne áleý­mettik-mádenı salalary boı­ynsha TMD memleketteriniń ynty­maqtasý jáne qaýymdasý úderis­terin qabyldaýy másele­sine arnalady. Onda TMD memle­ket­terindegi yntymaqtastyq baǵyt­tardy zertteıtin Qazaqstan, Reseı jáne basqa memleketterden jetekshi sarapshylardyń qatysýy jáne sóz sóıleýi josparlanǵan. TMD memleketteriniń halqy men elı­tasynyń Keden odaǵy, Birtutas eko­nomıkalyq keńistik pen qalyp­tasyp jatqan Eýrazııalyq ekono­mıkalyq odaqty (EAO) qabyldaýy pikirtalastyń basty máselesiniń biri retinde qarastyrylady. Sondaı-aq, sessııa barysynda Eýrazııa damý bankiniń yq­paldastyq zertteý ortalyǵynyń negizgi jobasynyń biri – «Eýrazııa damý bankiniń ıntegrasııalyq baro­metri» nátıjeleri usyny­lady. Joba aıasynda eýrazııa­lyq yq­paldasýdyń jáne qaýym­da­sý­dyń túrli aspektileri boıyn­sha qoǵamdyq pikirdi zertteý maq­satynda TMD óńirindegi 12 eldiń tur­ǵyn­darynan turaqty túrde jyl saıyn saýaldama ótkizý qaras­ty­rylǵan. Talqylanýǵa usynylatyn má­seleler boıynsha pikirtalastyń negizgi qatysýshylary retinde sarapshylar, yqpaldasý úderisterin zertteýshiler, Qazaqstan men Reseıdiń iri zertteý mekemeleriniń jetekshileri, ýnıversıtetterden, zertteý qurylymdarynan, saraptaý ortalyqtarynan kelgen ǵalymdar, Qazaqstanda akkredıtasııalanǵan memleketterdiń, halyqaralyq uıym­dardyń, memlekettik qury­lym­dardyń ókilderi sóz sóıleıdi. «Egemen-aqparat».