ASTANA. 18 mamyr. Qazaqstan quramasy túnde bastalǵan Mınskidegi álem chempıonatynyń altynshy týrynda Shveısarııa komandasynan 2:6 bolyp utylyp, elıtaly dıvızıonmen qosh aıtysatyn boldy. Bul týraly Chempıonat.Rý habarlady.
Bizdiń jigitter chempıonattaǵy eń sońǵy oıynyn qarqynsyz bastady. Qarsylastar úshinshi kezeńniń ortasyna deıin esepti 6:0-ge jetkizdi. Sodan keıin ǵana qazaqstandyqtar eki shaıbanyń qarymtasyn qaıtara aldy.
Endi ótken jolǵy esebimizden beri oınalǵan oıyndar nátıjelerimen tanys bolyńyzdar: 16 mamyr. Shvesııa – Slovakııa 3:1, Fınlıandııa – Shveısarııa 3:2B. 17 mamyr. Fransııa – Norvegııa 5:4B, Latvııa – Reseı 1:4, Danııa – Chehııa 4:3B, Belarýs – Germanııa 5:2.
Al túnde bastalǵan altynshy týrdyń ekinshi oıynynda Slovakııa Italııany 4:1 etip utty.
Qazir A tobynda Shvesııa 5 oıynnan 14 upaımen kósh bastap kele jatsa, V tobynda Reseı 5 oıynnan barlyq 15 upaıdy alyp, aldyna jan salmaı tur.
Damır Qojamqul.
Derekkóz: Chempıonat.Rý.
Foto: Chempıonat.Rý.