Memleket basshysy Qasym-Jomart Toqaevtyń Ádiletti Qazaqstan qurýǵa baǵyttalǵan ıdeıasy kóptiń kóńilinen shyqqany daýsyz. Konstıtýsııalyq reformaǵa bastaý bolǵan jalpyhalyqtyq referendým sátimen ótti.
Endi eski Qazaqstannan esti Qazaqstanǵa bet buratyn ýaqyt kelip jetti. Sol jolda biz birligimizdi kórsete bilýimiz kerek. О́ıtkeni qaı kezde de birlik qymbat. Dál qazir jer-jahandy meken etken memleketterdiń mazasy ketip tur. Shıeleniske toly geosaıası jaǵdaı álem elderin ábigerge salǵan osy bir beımaza shaqta birtutas el ekenimizdi kórsetýimiz qajet. Meniń túsinigimde Prezıdent aıtqan Ádiletti Qazaqstan ıdeıasy – ómirsheń. О́tkenge zer sala otyryp, bolashaqty baǵdarlaıtyn ýaqyt týdy. Prezıdenttiń tikeleı basshylyǵymen júrgizilip jatqan ishki jáne syrtqy saıasatymyz – el tynyshtyǵynyń kepili. Sol baǵytta aýqymdy jumys atqarylyp jatyr.
Qasym-Jomart Toqaev Prezıdent saılaýyn 7 jyldyq merzimdi qamtıtyn bir merzimge qysqartqany – quptarlyq qadam. Osy oraıda 20 qarasha kúni kezekten tys Prezıdent saılaýy ótetin bolyp bekidi.
Álemde bolyp jatqan ózgeristerdiń bir parasy bizdiń eldi syrt aınalyp ótpesi ras. Soǵys adamzatty tozdyrady. Eldi órkenıet kóshinen 100 jylǵa keri yǵystyrady. Qaı kezde de baıbalamǵa salmaı, syndarly dıalogke bet burǵan eldiń, máseleni dıplomatııalyq jolmen yńǵaılastyrýǵa daǵdylanǵan memlekettiń mereıi ústem bolady. Ol jaǵynan eshkimnen shet qalyp jatqan joqpyz. Qaıta talaı elge úlgi bolarlyq qadamdarymyz jetip-artylady.
Búginde biz úshin tatýlyqtan asqan baılyq ta, baqyt ta joq. Al Ádiletti Qazaqstan ıdeıasyn iske asyrý úshin qazaqstandyqtar judyryqtaı jumyla bilýi kerek. El muraty synǵa túsetin kezeńde samarqaýlyq tanytýǵa bolmaıdy.
Ábdimomyn JELDIBAEV,
Qazaqstannyń eńbek sińirgen mádenıet qaıratkeri
Jambyl oblysy