Bir ǵasyr burynǵy qazaqtyń tirshiliginde qudyqtyń alar orny aıryqsha bolǵany daýsyz. Sondaı qudyqtar áli bar. Sonyń bir deregi – Isataı aýdanynyń aýmaǵynda 1922 jyly qazylǵan qudyq.
Jergilikti ólketanýshy Mádı О́teǵalıevtiń aıtýynsha, ony balýandyǵymen tanylǵan Súıindik esimdi kisi qazǵan eken. Onyń bul qudyqty qazýyna jıeniniń jaryq dúnıe esigin ashýy sebep bolǵan.
– Súıindik balýan jıeni Ishandyq ómirge kelgende «Sábıdi teńizdiń ashy sýyna shomyldyrmaımyn. Jaýyryna tuz jınalady», dep arnaıy qudyq qazǵan. Qudyqtan meıir qandyrar tushy sý shyqqan. Kaspıı teńizinen aýlaǵan balyǵyn kememen kelgen orys saýdagerlerine qaraǵaıdyń taqtaıyna aıyrbastap, qudyqty shegendegen. Sol sebepten, aýyl adamdary «Qaraǵaı qudyq» ataǵan ǵoı, – deıdi Mádı О́teǵalıev.
Teńiz jaǵalaýyna qonystanǵan aýyldardyń turǵyndary bul qudyqtyń sýyn talaı ishken. Tipti keńes dáýirindegi keńshardyń basshylary qudyqtyń sýyn tórt túlikti sýarý úshin tasytqan.
Qudyqtyń qazylýyna sebepshi bolǵan Ishandyq Reseıdiń Astrahan óńirine kóship ketken sekildi. О́ıtkeni balasy Álibek kórshi elde turady. Ol 2017 jyly ákesiniń kindik tamǵan mekendegi atalǵan qudyqtyń kózin arshyp, rekonstrýksııa júrgizipti. Qudyqqa belgitas ornatqan.
Atyraý oblysy