Memleket basshysy Qasym-Jomart Toqaev Abaı oblysynyń halqymen kezdesip, óńirdiń damýyna qatysty máselelerdi aıqyndap, naqty mindetterdi belgiledi.
Shákárim ýnıversıteti Abaı oblysynyń irgeli joǵary oqý orny jáne iri áleýmettik ınstıtýt retinde qoǵam aldynda asa jaýapty ról atqarady. Oqý ordasy daryndy jastardyń óńirde bilim alýyna, qoldaý kórsetýge árdaıym erekshe mán beredi. Ýnıversıtet jyl saıyn «Altyn belgi» ıegerlerine, pándik olımpıada men ǵylymı konkýrs jeńimpazdaryna «Shákárim grantyn» taǵaıyndap keledi. Osy oraıda Prezıdenttiń oblystaǵy joǵary oqý oryndaryna qosymsha 500 grant bólý tapsyrmasy óńir jastaryna úlken qoldaý dep esepteımin.
Memleket basshysy óńirge sapary kezinde Semeıdegi ýnıversıtetterdiń janynan IT salasy men tilderdi tereńdetip oqytatyn mektepter ashý qajet ekendigin basa aıtty. Atalǵan tapsyrmany oryndaýǵa Shákárim ýnıversıteti ázir.
Kúni keshe ýnıversıtet janynan Shakarim high school jumysyn júrgizýge lısenzııa alynǵanyn qýana habarlaımyz. Sondaı-aq taıaý kúnderi Memleket basshysynyń tapsyrmasynda belgilengen salalar boıynsha oqýshylar qabyldaýdy bastaımyz.
Taǵy bir ekpin túsirilgen másele – tulǵa tárbıesi. Osy baǵytta Prezıdent hakim Abaıdyń «Tolyq adam» tujyrymdamasyna súıene otyryp, qoǵamda jańa qundylyqtar ornyqtyrý qajettigin basa aıtty.
Shákárim shańyraǵynyń da búgingi mıssııasy – ulttyq qundylyqtardy boıyna sińirgen bilikti maman daıyndap, kemel tulǵa, ıaǵnı Abaı aıtqan tolyq adamdy qalyptastyrý. О́ıtkeni ulttyq qundylyqtaryn boıyna sińirgen ár tulǵa, erteń mektep nemese ýnıversıtet bitirgennen keıin shetel asyp ketse de týǵan eline, jerine qyzmet etip, elge qaıtyp oralady.
Demek, Prezıdent ataǵan jobalar Shákárim ýnıversıtetiniń aıaq alysymen dóp kelip, damý qarqynyn eselete túsýde.
Baýyrjan ERDEMBEKOV,
Shákárim ýnıversıtetiniń rektory
Abaı oblysy