Aýstralııanyń Sıdneı qalasynda ótken áıelder arasyndaǵy basketboldan álem chempıonaty AQSh quramasynyń jeńisimen aıaqtaldy. Olar fınalda Qytaı sportshylaryn 83:61 (18:13, 25:20, 25:14, 15:14) esebimen tize búktirdi.
Fınaldyq matchta AQSh quramasy sapynan Eıja Ýılson 19 upaı jınap, eń úzdik kórsetkishke ıe boldy. Sondaı-aq qytaılyq Lı Iýerý da fınalda dál sondaı nátıjemen (19 upaı) óz komandasynyń úzdigi atandy.
AQSh quramasy basketboldan áıelder arasyndaǵy álem chempıonatynda osymen qatarynan 4-ret, al jalpy 11 márte jeńis tuǵyrynan kórinip otyr. Qytaı basketbolshylary óz tarıhynda ekinshi ret fınalda jeńilip, kúmis júldeni qanaǵat tutýǵa májbúr boldy. Qola júlde úshin ótken básekede jarys qojaıyndary Aýstralııa Kanadany 95:65 esebimen jeńdi.