Bul kúnderi Qytaıdyń Chendý qalasynda ústel tennısinen komandalyq álem chempıonaty ótip jatyr. Ekinshi topqa túsken Qazaqstan quramasy birinshiliktegi alǵashqy jeńisine qol jetkizdi.
Sportty damytý dıreksııasynyń málimeti boıynsha, jahandyq dodanyń kezekti týr oıynyn О́zbekstan quramasymen ótkizgen jerlesterimiz 3:0 esebimen jeńiske jetti. Halyqaralyq iri-iri jarystarda baq synap, júldeli oryndardan kórinip júrgen Kırıll Gerasımenko, Alan Qurmanǵalıev pen Denıs Jolýdev ońtústiktegi kórshilerimizdiń sportshylaryna esh múmkindik qaldyrmady. Úsh tennısshimiz de qarsylastaryn 3:0 esebimen tize búktirdi.
Álem chempıonatynyń alǵashqy eki týrynda Fransııa men Germanııadan jeńilip, keıinnen О́zbekstannan basym túsken bizdiń tennısshiler keshe Úndistanmen oınady. Osylaısha, Qazaqstan quramasy alǵashqy jeńisinen keıin týrnır kestesinde Fransııadan keıingi 2-orynǵa kóterildi. Aıta keteıik, alǵash ret 1926 jyly Anglııada uıymdastyrylǵan ústel tennısinen álem chempıonaty bıyl 56-márte ótkizilip jatyr. 2000 jyldan bastap komandalyq álem birinshiligi mártebesin alǵan bıylǵy saıysta álemniń 36 elinen kelgen 60 komanda baq synap jatyr.