Qaraǵandy óńiriniń kópbalaly analary el Prezıdenti Qasym-Jomart Toqaevtyń ana men balaǵa jasaǵan qamqorlyǵyn árdaıym joǵary baǵalaıdy.
Men kópbalaly analardyń máselesin kóterip júrgen belsendi azamatpyn. Buǵan deıin Prezıdent bastamasymen qurylǵan Ulttyq qoǵamdyq senim keńesiniń múshesi boldym. Qazir Ulttyq quryltaı aıasynda túrli minberden oıymyzdy aıtýǵa múmkindik alyp júrmin. Qaı jerde de kópbalaly analardyń talabyn, ana men bala múddesin kóterip kelemin. Biz bergen usynystardyń eshqaısysy eskerýsiz, qaraýsyz qalǵan emes. Búginge deıin, qanshama otbasynyń baspanaly bolýyna, túrli kómek alýyna septigimizdi tıgizdik. Olardy kásipkerlikke, qoǵamǵa ıgilikti isterge úıretip kelemiz. Munyń barlyǵy, árıne, Prezıdenttiń analarǵa degen oń kózqarasynyń nátıjesi.
Prezıdenttiń Qaraǵandy oblysyna jumys sapary barysynda óńirdiń damýyna qatysty ózekti máseleler kóterildi. Naqty tapsyrmalar berilip, 8 basymdyq boıynsha mindetter júkteldi. Sonyń árqaısysynyń óńir damýy úshin mán-mańyzy zor. Memleket basshysy Qasym-Jomart Toqaev Qaraǵandy aımaǵynyń ýrbanızasııasy damyǵan aımaq ekendigine erekshe nazar aýdardy. Rasynda da, Qaraǵandy oblysy turǵyndarynyń basym bóligi shaharlarda shoǵyrlanǵan. Monoqalalardy damytý – kópten beri sheshimin kútken másele. Al mundaı eldi mekenderde qanshama kópbalaly otbasy, analar baryn eskersek, bul qalalar ekonomıkasynyń órkendeýi sondaǵy kópbalaly turǵyndardyń turmysyna da yqpal eteri daýsyz.
Prezıdent «Shaǵyn qalalardaǵy taǵy bir másele – ınjenerlik ınfraqurylymnyń ábden tozýy. Bul másele sheshimin tabýy úshin qomaqty qarajat kerek. Úkimet monoqalalardyń kommýnaldyq jelilerin jóndeýge jumsalatyn qarjy kólemin arttyrýy qajet. Sebebi bizdiń azamattarymyz qaı qalanyń turǵyny bolsa da, taza, jasyl jelekke toly, baqýatty, gúldengen ortada ómir súrýi kerek. Ony qamtamasyz etý – memlekettiń mindeti», dedi. Monoqalalarǵa Úkimet turǵysynan den qoıylýy ondaǵy turǵyndarǵa da úmit otyn syılaıdy.
Lázzat QOJAHMETOVA,
«Talbesyk» kópbalaly analar odaǵy» QB basshysy