Memleket Basshysy Qasym-Jomart Toqaev jumys saparymen elimizdiń birneshe óńirine at basyn tiredi. Naqtyraq aıtsaq, Prezıdent Túrkistan, Shymkent, Abaı, Qaraǵandy oblystarynyń jurtshylyǵymen kezdesip, halyqtyń tynys-tirshiligimen tanys boldy.
Alǵashqy jumysyn kıeli shahar Túrkistandaǵy Qoja Ahmet Iаsaýı kesenesin zııarat etýmen bastaǵan Qasym-Jomart Kemeluly bul joly da babalar rýhyna quran baǵyshtap, Qoja Ahmet Iаsaýı kesenesi rýhanııatymyzdyń myzǵymas dińgegi ekendigin atap ótti. Prezıdenttiń kıeli shaharǵa rýhanı jáne tarıhı elorda mártebesin berý týraly bastamasy Túrkistanǵa yqylasy erekshe ekeniniń aıqyn dáleli. Memleket basshysy sonymen qatar álemde bolyp jatqan ózgerister týraly aıtyp, Reseıden kelip jatqan kósh týraly da baıandady. Bul turǵyda azamattardyń beıtaraptyq pozısııasyn ustaný qajet ekendigin eskertti. Bul elimizdiń qaýipsizdigi men tutastyǵyn qamtamasyz eteri anyq.
Qazaqylyqtyń qaımaǵy atanǵan shyraıly shahar Shymkent jurtshylyǵymen bas qosqan jıynda Qasym-Jomart Kemeluly stadıondaǵy tótenshe jaǵdaı kezinde elimizdiń týyn aman alyp qalǵan oqıǵany eske alyp, bul isti atqarǵan jigitterge alǵysyn aıtty. Erekshe jylylyqpen erekshelengen mıllıondy qalanyń turǵyndaryn rýhanı jomart dep ataǵany taǵy bar. Bul salt-dástúr tolyq saqtalǵan ońtústik óńirlerine berilgen úlken mártebe desem, artyq bolmas.
Qazaq ádebıeti men tarıhynda esimi altyn áriptermen jazylǵan Abaı Qunanbaıulynyń atymen atalǵan Abaı oblysyna bul Memleket basshysynyń jasaǵan alǵashqy sapary. О́ńirdiń birqatar mádenı-bilim berý oshaǵynda bolǵan Prezıdent halqymyzdyń biregeı tulǵalary – Muhtar Áýezov pen Qaıym Muhamedhanov eskertkishiniń ashylý saltanatyna qatysty. О́tkenge taǵzym, hakim Abaıdy ulyqtaý – barshamyzdyń perzenttik paryzymyz ekendigin atap ótti. Aqyn óleńderin tilge tıek etip, adamzat damýyna kedergi bolǵan bes dushpandy jeńsek qana qoǵamdyq sanany jańǵyrtatynymyzdy aıtty.
Qazynaly Qaraǵandyǵa baryp, oblys jurtshylyǵymen kezdesken Memleket basshasy óńirdi Álıhan Bókeıhan, Jaqyp Aqbaev, Álimhan Ermekov sııaqty Alash arystary dúnıege kelgen qasıetti jer, dedi óz sózinde. О́nerkásip salasy ilgerilep turǵanyn atap, óndiristiń jalpy kóleminde óńdeý sektorynyń úlesi 80 paıyzdy qurap otyrǵanyna toqtaldy.
Jalpy, Qazastan jeri keń-baıtaq ári ár óńirdiń ózine tán ereksheligi men mańyzy bar. Damýdyń dańǵyl jolyna túsken memleketimiz úshin aldaǵy prezıdent saılaý úlken jaýapkershilikti arqalaǵan tarıhı kezeń bolǵaly tur. Prezıdent Qasym-Jomart Kemelulynyń saıası kóshbasshy retinde Qazaqstan halqy úshin bastaǵan ıgi bastamalary elimizdiń órkendeýi jolyndaǵy shamshyraq ispettes. Al bizdiń boryshymyz egemendigimizdi kóz qarashyǵyndaı saqtap, ony keler urpaqqa amanattaý. Bul oraıda «Jumyla kótergen júk jeńil» demekshi, eldegi qolǵa alynǵan reformalardy qoldap, júzege asýyna bir kisideı atsalysaıyq.
Fahrıddın QARATAEV,
Májilis depýtaty,
«Amanat» fraksııasynyń múshesi