Elordada ótken Azııadaǵy ózara is-qımyl jáne senim sharalary keńesiniń VI sammıtinde Prezıdent Qasym-Jomart Toqaev 2024 jyly Astanada Jastar keńesiniń muryndyq bolýymen el kóshbasshylarynyń kezdesýin ótkizýdi usyndy. Bul – qoldaýǵa turarlyq ózekti bastama.
О́ıtkeni tájirıbe almasý úshin volonterlik qozǵalys jetekshileriniń basqosýy qaı elge de bolmasyn paıdaly bolmaq. Esterińizde bolsa, ótken jyly «Asyl júrek» respýblıkalyq eriktiler sleti uıymdastyryldy. Prezıdenttiń keler jyly Astanada AО́SShK elderi eriktiler qozǵalystary jetekshileriniń jıynyn ótkizý usynysy osy turǵydan alyp qaraǵanda óte jaqsy ıdeıa. Sebebi sońǵy birneshe jylda elimizde volonterlik jobalar men uıymdardyń sany kóbeıgenin kórip otyrmyz. Halyqtyń volonterlik qozǵalystarǵa qatysýy kún saıyn artyp keledi. Eriktiler tek jastardan ǵana quralmaıdy, mysaly, stýdentter nemese oqýshylar ǵana emes, sonymen qatar orta jastan asqan qazaqstandyqtar da volonterler quramynda júr.
Álemniń ártúrli elderindegi volonterlik qozǵalystardyń ózindik erekshelikteri, ózindik tájirıbesi jáne qalyptasý tarıhy bar. Qozǵalys jetekshileri óz tájirıbelerimen, jumys nátıjelerimen bólisetin osyndaı halyqaralyq deńgeıdegi basqosýdyń ótkizilýi tıimdi bolmaq. Eriktiler qabiletterin arttyrý úshin sheberlik sabaqtaryna, trenıngterge qatysa alady.
Memleket basshysy usynǵan eriktiler toby qazaqstandyqtardyń azamattyq belsendiligin damytýǵa, el turǵyndary úshin ıgi jáne paıdaly isterdi jasaý dástúrge aınalýy úshin paıdaly bolmaq. Pandemııa kezinde qazaqstandyq volonterlerdiń kómekke muqtaj jandarǵa qalaı qolushyn sozyp, qoldaý kórsetkenin kórdik, bul bárine úlgi bolarlyq qasıet. Osy turǵydan alyp qaraǵanda eriktiler qozǵalysy kóshbasshylarynyń kezdesýi azamattyq belsendilikti arttyrady dep senimmen aıta alamyn.
Regına AIýPOVA,
Qoǵamdy jańǵyrtýdy áleýmettik zertteý ortalyǵynyń qyzmetkeri