Fýtboldan Chempıondar lıgasynyń toptyq kezeńdegi besinshi týrdyń alǵashqy oıyn kúninen keıin taǵy tórt komandanyń pleı-offqa shyqqan belgili boldy.
Atap aıtqanda, E tobynda óner kórsetip jatqan Anglııanyń «Chelsıi» syrt alańda «Zalsbýrgti» (2:1) jeńip, birinshi orynmen 1/8 fınalǵa joldama aldy. Bul toptaǵy ekinshi joldamany sońǵy týrda «Mılan» men «Zalsbýrg» sarapqa salady. G tobyndaǵy «Borýssııa D» óz alańynda «Manchester Sıtımen» teń oınap (0:0), ekinshi orynmen pleı-offqa shyqty. «Sıtı» kelesi kezeńniń máselesin tórtinshi týrda-aq sheship tastaǵan bolatyn.
N tobynda da kelesi aınalymǵa ótken komandalar tolyq belgili boldy. О́z alańynda «Iýventýsti» 4:3 esebimen jeńgen «Benfıka» men «Makkabıdiń» qaqpasyna jeti gol soqqan (7:2) PSJ pleı-offqa shyqty.