ASTANA. 27 mamyr. Kókshetaýdyń mıneraldy tabıǵı sýy syrtqy naryqta básekege qabiletti ekenin kórsetti. Bul týraly «24kz» habarlady.
Kókshetaýdaǵy mıneraldy sý zaýyty Reseıdiń 5 oblysyna jetkizilýde. Aldaǵy ýaqytta elimizdiń bul ónimi Eýrazııalyq ekonomıkalyq odaq keńistigi naryǵyn qamtymaq.
Zaýyttyń sýlary Omsk, Nıjnıı Novgorod, Sank-Peterbýrg, Nıjnevartovsk qalalarynda kóptep satylýda. Bul ónimderdiń ishinde tátti sýsyndar, gazdalǵan alkogolsiz ishimdikter, salqyn shaı bar.
Mıneraldy sý zaýytynyń prezıdenti Aleksandr Samoılov: «Kedendik odaq memleketteri arasynda qazaqstandyq ónimniń básekelestigin arttyrý úshin aldymen tutynýshylardyń júregin jaýlaı bilý kerek. О́nimniń sapalylyǵy men ártúrliligi eksporttyń suranysyn arttyrady.
Taza tabıǵı sýdyń sapasyn joǵaltpaý úshin jer qoınaýy da jiti zerttelip, jańa shıkizat qorlary ashylýda. Bolashaqta Kókshetaýdyń sýyn ǵarysh stansalarynda qoldaný jospar da bar», – dedi.
Kásiporynnyń vıse-prezıdenti Evgenıı Pıatovtyń aıtýynsha, atalǵan kásiporyn 1991 jyldan bastap kóptegen ǵylymı-zertteý ınstıtýtymen birlesip jumys isteıdi. Tabıǵı sýdyń sapasyn ustap turý úshin Germanııanyń Frezenıýsa, Ýkraınanyń Odessa jáne Reseıdiń kýrortologtarymen ǵylymı zertteý baǵytynda keńesip otyrady eken. Qazir otandyq kásiporyn Eýrazııalyq ekonomıkalyq odaq naryǵyna shyǵýǵa daıyn. Taýar shyǵarýshy tehnologııalardy jańalaýmen qatar, jumysshylardyń da kásibı biliktiligin arttyrý úzdiksiz júrgizilip keledi.
Joldybaı Bazar.
Derekkóz: «24kz».
Foto: «24kz».