Qazaqstan Respýblıkasy prezıdenttigine kandıdat Qasym-Jomart Toqaevtyń jaqtastary Jetisý oblysynyń turǵyndarymen kezdesip, saılaýaldy baǵdarlamadaǵy agrarlyq sektorǵa qatysty basymdyqtardy talqylady.
Al shyǵarmashylyq zııaly qaýym ókilderimen kezdesýde shtab músheleri kandıdattyń tarıhı murany saqtaý, mádenıetti qoldaý jáne otandyq ónerdi damytý boıynsha usynystaryn talqylady.
«Qoǵamdyq kelisimdi nyǵaıtý, jastarǵa durys tárbıe berý jáne óskeleń urpaqtyń boıyna jasampaz qundylyqtardy sińirý isinde zııaly qaýym ókilderi aıryqsha ról atqarady. Sizderdiń jastarmen áńgimelesip, olardy belsendi bolýǵa, 20 qarashada saılaý ýchaskelerine kelip, óz tańdaýyn jasaýǵa shaqyrǵandaryńyz mańyzdy», dedi respýblıkalyq qoǵamdyq shtabtyń basshysy Erlan Qoshanov.
Jergilikti kásipkerlermen jáne sharýalarmen kezdesýde kandıdattyń saılaýaldy baǵdarlamasynda kórinis tapqan shaǵyn jáne orta bıznesti qoldaý sharalary talqylandy. Budan soń, Balpyq bı aýylynda shtab músheleri Kóksý qant zaýytynyń eńbek ujymymen kezdesip, bıznes pen eńbek adamyn qoldaý jónindegi basymdyqtarǵa nazar aýdardy. Sol kúni shtab músheleri óńirdegi úkimettik emes uıymdardyń jáne jastar uıymdarynyń basshylarymen birge saılaýaldy baǵdarlamanyń Qazaqstandy saıası jańǵyrtýǵa arnalǵan blogyn talqylady.
Erlan Qoshanov jastardy saılaý naýqanyna belsendi atsalysýǵa shaqyrdy.