«Raqymshylyq jasaý týraly» zań meıirimdilik, adamgershilik pen izgilik qaǵıdattaryna negizdelgen.
Memleket basshysy bıylǵy qyrkúıek aıyndaǵy Joldaýynda: «Memleket qańtar oqıǵasyna qatysqan, biraq aýyr qylmys jasamaǵan azamattardyń jazasyn jeńildetti. Zań buzǵandardyń birqatary kinásin túsinip, ótken iske ókinip otyr. Olarǵa keshirimmen qaraǵan durys dep oılaımyn. Sondyqtan, men qańtar oqıǵasyna qatysýshylarǵa bir rettik raqymshylyq jarııalaý týraly sheshim qabyldadym», dep atap ótti.
Prezıdenttiń tapsyrmasy boıynsha Parlament depýtattary tarapynan ázirlengen zań sol bir qaterli ótkelde qatelikke boı aldyryp, qylmystyq teris qylyqtar, onsha aýyr emes nemese aýyrlyǵy ortasha qylmys jasaǵandarǵa qatysty naǵyz adamgershilik kórsetýdi kózdeıdi.
Raqymshylyq óz qatesin moıyndaǵan jáne qylmysy úshin keshirim suraǵan adamdarǵa ǵana jasalady, sebebi qylmys aqtalmaıdy, qylmysqa ańdamaı, qatelikpen jol bergenderge raqymshylyq jasalady. Taǵy bir eskeretin jaıt, bul jolǵy raqymshylyq bir rettik sıpatqa ıe. Zańda raqymshylyq jasaýǵa jatatyn baptar naqty keltirilgen.
Raqymshylyq ýaqyt boıynsha da, qoldanylatyn adamdar úshin de shekteýli. Atap aıtqanda, raqymshylyq tek 2022 jylǵy qańtar oqıǵasy kezinde jasalǵan qylmystyq áreketterge ǵana qatysty qoldanylady.
Amangeldi TOLAMISOV,
Senat depýtaty