Qoǵamdaǵy qatynastyń tiregi de, tuǵyry da – zań. Eń bastysy ýaqyt talabyn eskerip, keıbir zańdar men erejelerdiń der kezinde ózgerip otyrǵany mańyzdy. Biz elimizdiń jańa damý kezeńine senimdi serpin beretin tarıhı oqıǵaǵa – Memleket basshysy birqatar zańǵa jarııa túrde qol qoıýyna kýá boldyq.
Prezıdenttiń halyqqa ýáde etken bastamalarynyń barlyǵy da ornyqty oryndalyp kele jatqany qoǵamnyń kóz aldynda. Sondyqtan bul jolǵy resmı is-shara da – Memleket basshysy 2019 jyldan qolǵa alǵan saıası reformalardy kezeń-kezeńimen iske asyrýdyń kezekti jalǵasy.
Halqymyzda «ádil týǵan zań jaqsy» degen sóz bar. Bul rette, Prezıdentimiz eldiń qalaýy men qarapaıym azamattardyń talabyna únemi nazar aýdaryp, ár sheshim qabyldaǵanda eskerip júredi. Jalpy, qol qoıylǵan alty zań da – Prezıdent aıtqan ádilettilik, ashyqtyq jáne janashyrlyq qaǵıdattaryna negizdelgen memleketimizdiń demokratııalyq baǵyttaǵy kezekti kezeńine jol ashatyn quqyqtyq qujattar. Al munyń barlyǵynyń bastaýynda maýsym aıynda jalpy respýblıkalyq deńgeıde ótkizilgen referendým nátıjesi negizin qalaǵan – halyq tańdaýy turǵany anyq.
Aıda BALAEVA,
Prezıdent Ákimshiligi Basshysynyń orynbasary