Vashıngtonda turyp jatqan qazaqtar basqosý uıymdastyrdy. Tabıǵat aıasyndaǵy kezdesýge Qazaqstannyń Halyq jazýshysy, Abaı atyndaǵy Memlekettik syılyqtyń laýreaty Muhtar Maǵaýın de kelgen, dep jazady Egemen.kz.
«Bolashaq» baǵdarlamasy boıynsha AQSh-ta magıstratýrada oqyp júrgen jýrnalıst Jalǵas Sádibekuly osy jıynǵa otbasymen birge arnaıy barypty. Ol Sara esimdi qyzynyń qalamgerge ózin tanystyryp, batasyn alǵan sátti vıdeoǵa túsirip, áleýmettik jelide jarııalaǵan.
«Sara qyzymyz zańǵar jazýshyǵa ózin óleńmen tanystyryp, batasyn aldy. Atasy sekildi «jazýshy bolamyn» deıdi», dep jazdy Jalǵas Sádibekuly.
Sara Jalǵasqyzynyń ádebıetke ıkemi bar. Bul týraly bizge onyń ákesi aıtyp berdi.
«Astanadaǵy 66 mektepte oqydy. 4 synyptyń 1 toqsanyn bitirip keldi. Jaqynda tórtinshi synyptar arasynda kúz hanshaıymy saıysynda birinshi oryn aldy. Jalpy ónerge jaqyn. Sýret salady, túrli taǵamdar jasaıdy. Úıde bos kezde paraq-paraq qyp ertegi, áńgimeler jazady. Arasynda óleń jazady. Áńgimeleriniń bloknottaryn jınap júr. О́zi jazýshy bolam deıdi. Mine jaqynda Amerıkaǵa kelip jatyr! Endi aǵylshyn tilin de jaqsylap úıren, álemdik deńgeıdegi balalar jazýshysy bolasyń dep mamasy qulaǵyna quıyp júr! Jazýshymen Vashıngton qazaqtarynyń kúzgi pıknıginde kezdesip otyr», dedi Saranyń ákesi.
Eske salsaq, 28-qazan kúni Vashıngtonda Respýblıka kúnine arnalǵan is-shara uıymdastyryldy. Ol kezde de Muhtar Maǵaýın jıynǵa qatysyp, qazaqstandyqtardy aıtýly merekemen quttyqtaǵan.