Qazaqstan Respýblıkasy Prezıdentiniń Jarlyǵy № 825

E.H.Sultanovty Soltústik Qazaqstan oblysynyń ákimi qyzmetine taǵaıyndaý týraly Erik Hamzauly Sultanov Soltústik Qazaqstan oblysynyń ákimi bolyp taǵaıyndalsyn.  Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 27 mamyr.  № 825

Erik Hamzauly SULTANOV

1956 jyly týǵan. Qaraǵandy polıtehnıkalyq ınstıtýtyn, Shyǵys Qazaqstan memlekettik tehnıkalyq  ýnıversıtetin bitirgen. Instıtýtty bitirgennen keıin «Ekıbas­týz­shahtostroı» kombınatynda mehanık, aǵa prorab, bas ınjener, birlesken kásipodaq komıtetiniń tóraǵasy boldy. Pavlodar oblysynda aǵash óńdeý kombınatynyń dırektory, Ekibastuz qalasy ákiminiń birinshi orynbasary qyzmetterin atqardy. Qazaqstan Respýblıkasy Joǵarǵy Keńesiniń depýtaty bolyp saılandy. «Ekıbastýzshahtakýrylys» aksıonerlik qoǵamynyń prezıdenti boldy. 1996-1998 jyldary Pavlodar jáne Soltústik Qazaqstan oblystarynyń memlekettik múlik jáne jekeshelendirý jónindegi komıtetiniń tóraǵasy bolyp jumys istedi. Soltústik Qazaqstan oblysy ákiminiń orynbasary, Kólik jáne kommýnıkasııa mınıstrliginde departament dırektory, bas úılestirýshi,  komıtet tóraǵasy laýazymdarynda qyzmet atqardy. Astana qalasy ákiminiń orynbasary, birinshi orynbasary, «Qazaqstan temir joly» Ulttyq kompanııasy» aksıonerlik qoǵamynyń vıse-prezıdenti qyzmetterine taǵaıyndaldy. 2013 jylǵy sáýirden – «Qazavtojol» aksıonerlik qoǵamynyń basqarma tóraǵasy.