Kásipke degen adaldyq jasqa qaramaıdy eken. Olaı deýimizge negiz bar. Shymqaladaǵy Qapal batyr kóshesinde Álııa esimdi keıýana turady. Jasy jetpis beske kelse de áli shıraq, eńbekten qol úzgen joq.
Qaladaǵy Eńbekshi aýdanyna qarasty Qaratóbe baılanys bólimshesinde uzaq jyldar hat tasýshy bolyp jemisti eńbek etip, turǵyndardyń qurmetine bólengen qarapaıym kásip ıesi zeınetkerlikke shyqsa da basshylyqtyń uıǵarymymen eńbek jolyn odan ári jalǵastyryp júr.
Ár kún saıyn tańmen talasa turyp, jumysqa asyǵatyn eńbekqor ana gazet-jýrnaldar men hat-habarlardy ıelerine ýaqtyly jetkizip otyrady. Onyń ústine túrli mekemeler men uıymdardyń resmı qujattary men jedelhattardy, sálem-saýqattardy qosyńyz. Qysqasy, jaýapkershiligi mol, syrt kózge onsha biline bermeıtin tynymsyz sharýa.
Úıdiń de, túzdiń de oıabyn taba bilgen eńbekqor Álekeń otbasynda da baqytty. Eki uly men eki qyzynan 13 nemere, jıen men 4 shóbere súıip otyr.
Baıandy baqytyn adal eńbekten tapqan Álııa Altynbekovany únemi qoǵamdyq jumystardyń da bel ortasynan kóresiń. Kóshe komıtetiniń tóraıymy retinde aýdan ákimdiginde ótetin jıyndarǵa turaqty qatysyp, usynys-pikirleri men oılaryn ashyq aıtady. Az qamtamasyz etilgen otbasylarǵa báıek bolyp, qamqor qolyn sozyp júredi.
«Daraq bir jerde kógeredi» deıdi halyq danalyǵy. Jetpis bes jasynda eńbekten qol úzbegen jandy ózgelerge úlgi etsek, sókettigi bola qoımas degen oıdamyz.
Káribaı ÁMZEULY,
eńbek ardageri, zeınetker
ShYMKENT