2014 jylǵy 11 mamyr, Astana, Úkimet Úıi
Qazaqstan Respýblıkasynyń Memlekettik týyn kóterip júzetin keme ekıpajynyń quramyna sheteldikter men azamattyǵy joq adamdardyń kirý múmkindiginiń sharttaryn bekitý týraly
«Saýda maqsatynda teńizde júzý týraly» 2002 jylǵy 17 qańtardaǵy Qazaqstan Respýblıkasynyń Zańy 25-babynyń 2-tarmaǵyna jáne «Ishki sý kóligi týraly» 2004 jylǵy 6 shildedegi Qazaqstan Respýblıkasynyń Zańy 34-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń Memlekettik týyn kóterip júzetin keme ekıpajynyń quramyna sheteldikter men azamattyǵy joq adamdardyń kirý múmkindiginiń sharttary (budan ári – sharttar) bekitilsin.
2. Osy qaýly sharttardyń 2015 jylǵy 1 qańtardan bastap qoldanysqa engiziletin 1-tarmaǵynyń 2) tarmaqshasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2014 jylǵy 11 mamyrdaǵy №469 qaýlysymen bekitilgen
Qazaqstan Respýblıkasynyń Memlekettik týyn kóterip júzetin keme ekıpajynyń quramyna sheteldikter men azamattyǵy joq adamdardyń kirý múmkindiginiń sharttary
1. Qazaqstan Respýblıkasynyń Memlekettik týyn kóterip júzetin kemege sheteldikter men azamattyǵy joq adamdardy Qazaqstan Respýblıkasynda eńbek qyzmetin júzege asyrý úshin jumysqa qabyldaý mynadaı sharttardy saqtaı otyryp, Qazaqstan Respýblıkasynyń sheteldik jumys kúshin tartý salasyndaǵy zańnamasyna sáıkes júzege asyrylady:
1) sheteldikter men azamattyǵy joq adamdardy ishki sýlarda júzetin kemeniń kapıtany, keme kapıtanynyń aǵa kómekshisi, aǵa mehanık jáne radıo mamandary laýazymdaryna taǵaıyndaýǵa bolmaıdy;
2) sheteldikter men azamattyǵy joq adamdardy teńiz kemesiniń kapıtany, kapıtannyń aǵa kómekshisi jáne aǵa mehanık laýazymyna taǵaıyndaýǵa bolmaıdy;
3) kemege sheteldikter men azamattyǵy joq adamdardy jumysqa qabyldaý kemede bos jumys oryndary bar bolǵanda jáne ishki eńbek naryǵynda jekelegen kásipter men biliktilikter boıynsha qyzmetkerlerge suranysty qanaǵattandyrý múmkindigi bolmaǵan kezde júzege asyrylady;
4) Qazaqstan Respýblıkasynyń Memlekettik týyn kóterip júzetin keme ekıpajynyń quramyna eńbek qyzmetin júzege asyrý úshin tartylatyn sheteldikter men azamattyǵy joq adamdardyń bilim deńgeıi (kásiptik daıarlyǵy) jáne eńbek ótili Qazaqstan Respýblıkasynyń zańnamasyna sáıkes saýda maqsatynda teńizde júzý men ishki sý kóligi salasy mamandarynyń laýazymdaryna qoıylatyn talaptarǵa saı bolýǵa tıis;
5) kemege jumysqa qabyldanatyn sheteldik azamattar men azamattyǵy joq adamdardyń kásiptik daıarlyǵynyń jáne quzyrettiliginiń deńgeıi:
Qazaqstan Respýblıkasynyń qoldanystaǵy halyqaralyq sharttaryna sáıkes Qazaqstan Respýblıkasy tanıtyn bilim berý týraly qujatpen jáne qajet bolǵan jaǵdaıda bilimi týraly qujattyń notarıaldy rastalǵan memlekettik nemese orys tilderindegi aýdarmasymen;
jumys berýshi kýálandyrǵan qyzmetkerdiń eńbek qyzmetin rastaıtyn qujattarmen rastalady;
6) Qazaqstan Respýblıkasynyń Memlekettik týyn kóterip júzetin kemege jumysqa qabyldanatyn sheteldikter men azamattyǵy joq adamdardyń:
densaýlyq jaǵdaıy boıynsha mundaı jumysqa jaramdylyǵyn rastaıtyn medısınalyq komıssııanyń qorytyndysy;
sheteldikter úshin – jaramdy sheteldik pasport, búl rette Qazaqstan Respýblıkasy olardyń memleketterimen kelýdiń jáne bolýdyń vızasyz tártibi týraly kelisim jasamaǵan sheteldikter úshin – Qazaqstan Respýblıkasynyń qoldanystaǵy zańnamasyna sáıkes tıisti vızasy;
azamattyǵy joq adamdar úshin – azamattyǵy joq adamnyń kýáligi nemese azamattyǵy joq adamnyń quqyqtyq mártebesin rastaıtyn, shet memleket bergen sheteldik pasport bolýǵa tıis.