Shılibastaý – Almaty oblysynyń Jambyl aýdanyndǵy shaǵyn ǵana aýyl. Endi osy aýylǵa qazaq ǵalymdarynyń nazary aýyp otyr. О́ıtkeni jaqynda aýyl turǵyndary sý qubyryn tartyp jatqan kezde balbaltas taýyp alǵan edi.
Orazbekovter otbasynyń aýlasynan ejelgi túrki dáýirine jatatyn tarıhı jádiger tabyldy degen habardy estigende eleń ete qalǵanymyz ras. Mundaı balbaltastyń shynymen de erte zamanǵy eskertkishterge uqsaıtynyn zertteý jumystarynan bilemiz.
– Túrki kezeńinde mundaı balbaltastar qaıtys bolǵan adamdardyń qabirine aıryqsha belgi retinde ornatylatyn bolǵan. Iаǵnı eskertkishtiń ejelgi túrki dáýirinen beri saqtalyp kelgeni anyq. О́kinishke qaraı, búginde olardyń kóbi qırap, joǵalyp ketti, – deıdi Jambyl aýdany aýmaǵynda ornalasqan «Tańbaly» tarıhı-mádenı jáne tabıǵı qoryq-mýzeıi bóliminiń basshysy Qýanysh Nurmaqsutov.
Aýladan tabylǵan balbaltastyń bıiktigi shamamen 1 metr, eni 70-80 santımetr eken. Jalpy, jergilikti turǵyndar aýyldyń baıyrǵy qarııalarynan mundaı tarıhı qundylyq týraly kóp estigenin aıtady. Al aýlasynan balbaltas shyqqan Elaman atanyń urpaqtary osy jerge taǵy eki balbaltas kómilgen bolýy múmkin dep joramaldaıdy. Estýlerinshe, zamanynda aýylda eki tas eskertkish bolǵan-mys. Olardyń birinde áıel beınesi qashalǵan sııaqty.
– Bul tasty atamyz Elaman saqtap kelgen eken. Osy týraly kóp ańyz aıtylady. Keńes ókimeti tusynda jádigerdiń qundy dúnıe ekenin bilmegen sııaqty. Keıin kele balbaldar topyraqqa kómilip qalǵanǵa uqsaıdy, – deıdi Shılibastaý aýylynyń turǵyny Roza Shylǵaýbaeva.
Qalaı bolǵanda da tabylǵan tastyń qundylyǵy jaıynda sońǵy sózdi arheologter aıtýǵa tıis.
Almaty oblysy