Qazaqstan Respýblıkasynyń prezıdenttigine kandıdat Qaraqat Ábden el óńirlerin aralap, saılaýshylarmen 30-dan astam kezdesý ótkizdi. Kandıdattyń saılaýaldy saparlary Aqmola, Qaraǵandy, Abaı, Pavlodar, Almaty, Aqtóbe, Ulytaý, Qyzylorda, Túrkistan oblystarynyń úlkendi-kishili qalalary men aýyldyq eldi mekenderin qamtydy. Kandıdattyń áleýmettik baǵdarlanǵan tuǵyrnamasy saılaýshylar tarapynan keń qoldaýǵa ıe bolyp otyr.
Qaraqat Ábdenniń saılaýaldy baǵdarlamasynda kórinis tapqan baǵyttar – árbir Qazaqstan azamaty úshin ózekti. Olardyń qatarynda mynadaı máseleler bar: kópbalaly otbasylarǵa qoldaý kórsetý; balalar men jastardyń úılesimdi damýyna jaǵdaı jasaý, qarııalardy qoldaýǵa baǵyttalǵan sharalardy qolǵa alý; ulttyq-rýhanı qundylyqtardy dáripteý; ozyq bilim men ǵylymnyń, sapaly medısına qyzmetiniń barshaǵa qoljetimdi bolýy.
Saılaýaldy baǵdarlamada otbasy ınstıtýtyna basa mán berilgen. Kandıdat atap ótkendeı, otbasyny qoldaý jáne nyǵaıtý – eldiń tabysty damýynyń kepili. Sebebi otbasynda urpaq sabaqtastyǵy, úlkenderge qurmet, kishilerge qamqorlyq, ózara qoldaý dástúrleri, eńbekqorlyq jáne bilimge degen umtylys qalyptasady. Ol otbasy ınstıtýtyn jan-jaqty nyǵaıtýǵa, onyń mártebesin arttyrýǵa múddeli. О́ziniń saılaýaldy baǵdarlamasynda kandıdat óskeleń urpaqty ulttyq qundylyqtar negizinde tárbıeleý úshin mektep baǵdarlamasyna arnaıy kýrs engizýdi; stýdentterdiń shákirtaqysyn ulǵaıtýdy; turǵyn úı alýǵa nemese belgili bir kezeńge páter jaldaý aqysyn tóleýge beriletin aqshalaı sertıfıkattar júıesin engizýdi; bala tárbıelep otyrǵan úı sharýasyndaǵy áıeldi «jumysker» dep tanyp, osy merzimdi eńbek ótiline qosýdy; sırek aýrýlary bar balalarǵa kómek kórsetý júıesin birizdendirýdi usynady.
Budan bólek, saılaýshylarmen kezdesý barysynda Q.Ábden qoǵamnyń dertine aınalǵan sıntetıkalyq esirtkiniń taralýy men jat mádenıetke eliktegish jastardyń áreketterine erekshe toqtaldy. Aldaǵy ýaqytta kandıdat Jambyl oblysynyń saılaýshylarymen birneshe kezdesý ótkizedi.
Tapsyrys berýshi: QR Prezıdenttigine kandıdat Q.J.Ábdenniń senimdi ókili A.S.Ýrazgýlov.Maqala aqysy respýblıkalyq bıýdjet qarjysynan tólendi. Osy materıaldy shyǵarǵan uıym, ony basyp shyǵarǵan jeri jəne taralymy týraly məlimet shyǵys derekterinde kórsetilgen.