Qasym-Jomart Toqaevty qoldaý jónindegi respýblıkalyq qoǵamdyq shtabtyń músheleri Túrkistan oblysy jáne Shymkent qalasynyń saılaýshylarymen kezdesýler ótkizdi. Barlyq kezdesýlerde saılaýshylar Qasym-Jomart Toqaevty jáne onyń reformalar baǵytyn qoldaıtynyn jetkizdi.
Saılaýshylarmen kezdesýde óńirlerdi damytýǵa jáne aýyldaǵy áleýmettik ınfraqurylymdy jaqsartýǵa arnalǵan máselelerge erekshe nazar aýdaryldy. Aldaǵy ýaqytta aýyldyq jerlerde jańa jabdyqpen jaraqtalǵan, bilikti medısına qyzmetkerinen jasaqtalǵan 700 jańa medısınalyq nysan ashylady. Jalpy, tórt mıllıonnan astam aýyl turǵyny qosymsha mamandandyrylǵan jáne joǵary tehnologııalyq medısınalyq kómekpen qamtylady. Oblys turǵyndary Qasym-Jomart Toqaevtyń baǵdarlamasynda baıandalǵan aýyldyq aýmaqtardy damytý tujyrymdamasyn joǵary baǵalady.
Saýran aýdanynda jergilikti jylyjaı alańynda aýyl jastarymen jáne sharýalarmen kezdesý uıymdastyryldy. Olar úshin 1 mln-nan astam aýyl turǵyndaryn qamtıtyn aýyl sharýashylyǵy kooperasııasyn damytý josparlary qýantarlyq jańalyq boldy, oǵan 1 trln teńge baǵyttaý josparlanyp otyr. Jas kásipkerler úshin jyldyq 2,5% jeńildikti nesıeler qarastyrylǵan.