Búgin elimniń tynyshtyǵy, urpaǵymnyń bolashaǵy úshin daýys berýge keldim. Ádiletti Qazaqstannyń keleshegi – erkin daýys berý quqyǵy bar barsha otandasymyzdyń qolynda. Sábıler men mektep jasyndaǵy balalardy, jastardy, otbasylardy qoldaý máselesi sońǵy ýaqytta jarqyn kórinis taýyp, bıliktiń áleýmettik-qoǵamdyq túıtkilderdi jedel sheshýge degen umtylysyn baıqaımyz. Bul ana retinde meniń kóńilimnen shyǵyp otyr.
Kópke topyraq shashýǵa bolmaıdy, áıtse de keıbir jastar ana tilin umytyp, rýhanııatyn joǵaltýda. Ana tili – qaı ýaqytta da qasterli, qudiretti uǵym. Biz óz elimizdiń damýyna úles qosýshy retinde aldymen ózimizdi syılap, týǵan tilimizdi qadir tutyp, maqtan ete bilýimiz qajet. Qazaqstan memleket bolyp qalyptasýy úshin ana tiliniń róli basym bolýy shart.
Ulttyq qaýipsizdik, ishki jáne syrtqy tynyshtyq, ulttyq ekonomıka, zaıyrly memleket bolǵandyqtan túrli etnostyq jáne dinı toptardyń kelisimi men tatýlyǵy, Ata Zańymyzdy saqtaý sekildi mańyzdy máseleler de memleket damýy men onyń saıası arenaǵa shyǵýyna septigin tıgizedi.
Bul saılaý da – táýelsiz Qazaqstan tarıhynyń bir bólshegi. Elimiz shyn máninde ádiletti, halyq ıgiligine jumys isteıtin qýatty respýblıkaǵa aınalatynyna óz basym kámil senemin. Tarıhsyz bolashaq joq. Ataqty ǵulama Máshhúr Júsip Kópeıuly: «Qazaqqa qoı ústine boztorǵaı jumyrtqalaıtyn zaman áli-aq keledi» dep aıtyp ketken. О́zim tańdaý jasaǵan azamat el tizginin ustap, ata-babamyz ańsap ketken berekeli zaman ornaıtynyna senimim berik. Barlyq jurttyń oılaǵany da, kózdegeni de – tynyshtyq. Elimizdiń shekarasy bútin, halyqtyń kóńili toq bolsa, odan artyq baqyt joq.
Baqytjamal MAKSILOVA,
Pavlodar oblysyndaǵy «NUR Ana Álemi» qoǵamdyq birlestiginiń tóraǵasy