Saılaý kúninde Túrki memleketteri uıymynyń mıssııasy Astanadaǵy saılaý ýchaskesiniń ashylýynda boldy. Bıýlletender men nátıjelerin óńdeý saılaý týraly ulttyq zańnamaǵa saı ótti. Bizdiń mıssııa ókilderi jalpy 16 saılaý ýchaskesine bardy. Eshqandaı zańsyzdyq nemese ákimshilik jáne quqyq qorǵaý organdarynyń saılaý ýchaskeleriniń qyzmetine kıligýin baıqaǵan joq.
Saılaý kúninde adamdardyń óz erkin bildirýine qajetti búkil ákimshilik sharalar qabyldandy. Saılaý týraly zańǵa sáıkes, ulttyq jáne halyqaralyq baıqaýshylardyń saılaýdy beıtarap baqylaýyna jaǵdaı jasaldy. Mıssııa ulttyq jáne halyqaralyq uıymdardyń qatysqanyn jáne saılaýdyń legıtımdiligin, ashyqtyǵyn qoldaıtynyn kórdi. Sondaı-aq mıssııa Astanadaǵy №111 saılaý ýchaskesinde daýys sanaý prosesine qatysty. Bıýlletenderdi sanaý, qorytyndysyn jarııalaý ýaqtyly, saılaý týraly ulttyq zańnamaǵa sáıkes ótti.
Mıssııa saılaý ýchaskeleriniń ishinde nemese syrtynda úgit-nasıhat materıaldaryn kórgen joq. Saılaý ýchaskelerinde múgedektigi bar adamdarǵa jaǵdaı jasalǵanyn kórdik. Mıssııa daýys berýshilerge syrttan áser etýge baǵyttalǵan eshqandaı talpynystar kórgen joq. Búkil daýys berýshiler saılaý ýchaskelerine erkin kire aldy jáne resmı tulǵalar tolyqqandy málimet berip turdy. Daýys berýshilerdiń qatysý kórsetkishi joǵary boldy.
Sondaı-aq saılaý prosesinen el boıynsha BAQ-ta aqparat berilýi de saılaýdyń legıtımdiligi men ashyqtyǵynyń mańyzdy elementi bolyp esepteledi. Túrki memleketter uıymy mıssııasynyń halyqaralyq baıqaýy Qazaqstan Prezıdentiniń kezekten tys saılaýy Qazaqstan Respýblıkasynyń ulttyq zańnamasyna sáıkes, halyqaralyq standarttarǵa saı, ashyq jáne básekeli bolǵanyn rastaıdy. Mıssııa óz baǵalaýy men usynymdaryn halyqaralyq uıymdarmen bólisedi.
О́mer KODJAMAN,
Túrki memleketteri uıymy bas hatshysynyń orynbasary