Bul Qasym-Jomart Toqaevqa kezdeısoq kelgen jeńis emes. Bul – ondaǵan jylǵy tájirıbe men eńbekti bylaı qoıǵanda, sońǵy úsh jylda ózin táýelsiz, derbes ári tolyqqandy Memleket basshysy retinde kórsete bilgeni úshin halyqtyń shynaıy túrde bergen baǵasy.
Qasym-Jomart Toqaevtyń bastamasymen sońǵy otyz jylda toqyrap qalǵan saıası júıege jan bitip, memlekettik basqarýdyń jańa modeli quryldy. Demokratııalandyrýǵa baǵyttalǵan saıası reformalar legi bastaldy. Halyq qazynasyna qol suqqandardyń qarajatyn qaıtarý qolǵa alyndy.
Osynyń bárin kórip-bilip otyrǵan dana halqymyz Memleket basshysyna úlken úmit artyp otyr. Al bizdiń el saıası turǵydan kózi ashyq qana emes, kóregen halyq. Bul sózime on adamnyń segiziniń qazirgi Prezıdentti qoldap, daýys berýi dálel bola alady. Bul jolǵy saıası dodada buryn múlde saılaýǵa barmaǵan adamdar belsendilik tanytty. Osynyń ózi halyqtyń bul saılaýǵa senimin, yqylasyn aıǵaqtaıdy. Halyq memleket qurýdaǵy jaýapkershiligin uǵynyp otyr.
Halyq teris oıly azamattardyń túrli iritki sózderiniń qunyn paryqtaı alatyn deńgeıge jetti. Bul – saıası transformasııanyń mańyzdy jetistigi. Bıliktiń durysyn durys, burysyn burys dep aıta alar, qoǵam jaýapkershiligin moınyna alatyn azamattar toby qalyptasty. Sol azamattar toby da Qasym-Jomart Toqaevty qoldaý naýqanynda lokomotıv rólin atqardy. Demokratııa degenniń oıyńa kelgendi aıta berý emestigin qoǵamnyń kóp bóligi baıqady. Eldiń amandyǵy men jurttyń tynyshtyǵy eń joǵary qundylyq ekenin baıyptaǵan azamattarǵa tek alǵys aıtyp qoımaı, olardy qoldaý qajet. Biryńǵaı maqtaýdyń da, sydyrta jamandaýdyń da qate baǵyt ekenin, ondaıdyń astarynda jeke bas múddesi turatynyn túsingende ǵana sanaly qoǵam paıda bolady.
Halyqtyń bul qoldaýy túptep kelgende, el tynyshtyǵy men saıası turaqtylyq úshin berilgen múmkindik. El-jurt Eýrazııa qurlyǵynda qandaı janjaldar bolyp jatqanyn, alpaýyt elder tarapynan Qazaqstandy túrli saıası-áskerı, dıplomatııalyq teketiresterge tartý úshin úlken oıyndar júrip jatqanyn baǵamdap otyr. Osy bir qym-qýyt kezeńde eldi halyqaralyq shıeleniske ushyratpaýǵa, janjal órti aımaǵyna aınaldyrmaýǵa Memleket basshysynyń shama-sharqy, qarym-qabileti, bilim-biliktiligi tolyǵymen jetedi dep senip otyr.
Bul saılaý jaqsylyq bolaryna senetin azamattardyń kóp ekenin kórsetti. Endeshe, halyq senimi aqtalsyn!
Ýaıs ERSAIYNULY,
«Amanat» komıssııasynyń múshesi, zańger