Bıylǵy el ómirindegi mańyzdy saıası naýqan zańǵa sáıkes sátti ótti dep aıtýǵa negiz bar. Qasym-Jomart Toqaevtyń sózsiz jeńisi Qazaqstan qoǵamynyń aldaǵy ýaqytta bir arnada birigýi turǵysynda zor mánge ıe.
Osy jyly maýsym aıynda ótken referendýmda el azamattarynyń 77 paıyzdan astamy Prezıdenttiń konstıtýsııalyq reformalaryn qoldaǵan edi. Al endi qarashadaǵy saılaýda daýys berýshilerdiń 80 paıyzdan astamy ony jaqtaýy – Memleket basshysynyń bastamalary halyq tarapynan erekshe qoldaýǵa ıe bolǵanynyń shynaıy kórinisi. Osylaısha, saılaýshylar joǵary bıliktiń júzege asyryp jatqan jáne josparlap otyrǵan reformalaryna senetinin kórsetti.
Búginde elimizde qoǵam men bılik Qazaqstannyń taıaý bolashaqta qalaı damıtyny jóninen bir jaqty jańa, biryńǵaı, ádil qoǵamdyq kelisimge keldi dep batyl senimmen aıtýǵa bolady. Endi alda demokratııa damýynyń taǵy bir mańyzdy kezeńi – parlamenttik jáne máslıhat saılaýy tur. Bul mindetti de abyroımen atqaratynymyzǵa senemin.
Qazir álemdegi daǵdarysqa baılanysty ońymyz ben solymyzdy jınaqtap, sózden iske kirisip, bir arnaǵa jumylatyn ýaqyt keldi. Prezıdentimiz jyl boıy, ıaǵnı 16 naýryzdaǵy Úndeýinde, 1 qyrkúıektegi Joldaýynda da el damýynyń negizgi baǵyttaryn aıqyndaıtyn mindetterdi kórsetip berdi. Endi solardy oryndaýǵa múmkindik beretin ýaqyt keldi dep oılaımyn. Sondyqtan Qazaqstan halqy biraýyzdan birigip, elimizdiń jarqyn bolashaǵy úshin sol mindetterdi iske asyrýǵa bir adamdaı jumylýymyz kerek.
Nazgúl MAQJAN,
Astana qalasy boıynsha Áıelder kúshteri alıansynyń tóraǵasy