Memleket basshysy Qasym-Jomart Toqaev saltanatty túrde ant berdi. Týǵan halqyna arnap júrekten shyqqan sózderin aıtty. Elimizdiń búgini men keleshegine kózdelgen, jańa ózgeristerdiń naqty baǵdarlamasy men jospary aıtyldy.
Uzaq oı-tolǵanystan týyndaǵan baǵdarlamalar halyqtyń eń jaqyn, armandaǵan, kútken máseleler janymyzdy terbetti. Prezıdent atap kórsetkendeı, halyq senimi – el amanaty, eń basty qundylyq.
Aýyl – el besigi. Ant qabyldaǵan el Prezıdentiniń alǵashqy Jarlyǵy aýyldy damytý týraly boldy. Bul bizdiń túp-tamyrymyz ben qarashańyraq – altyn uıamyzdy, ult uıytqysy aýylymyzdy bes jyl boıy túrlendirip, jańǵyrtyp, jaqsy ómirdi ornyqtyrý jolynda ulan-ǵaıyr is, adaldyq pen ádildik sheshimi dep qoǵam óz qurmetin kórsetetini anyq.
Syrtqa jylystap, zańsyz ketken qarjyny qaıtarýdy tııanaqtaı túsý de, halyq kútip otyrǵan naqty máseleler de negizinen túgel aıtyldy. Qyzmet mansaby – ýaqytsha, halyq – máńgilik. Artynda iz qaldyrý úshin ar-ojdanymen qyzmet etý – ár azamattyń basty paryzy.
Prezıdenttiń oıy men sózi halyq senimin aqtaý men úmitin oryndaý turǵysynda ashyq, adal, júrekpen aıtyldy. Qazir toı toılaıtyn, toı jarystyratyn ýaqyt emes. Aqylmen atqarylatyn is jarystyratyn zaman, ómirsheń ýaqyt tarazysy.
Saltanatty jıynnan rýh asqaqtady. Rızamyz. Tarıhı kún erekshe este qaldy. Elimiz jasaı bersin! Memleket basshysynyń barlyq ustanymy men alǵa qoıǵan mindetterin minsiz atqarý jaýapkershiliginiń de zor ekenin este ustaý qajet.
Meırambek TО́LEPBERGEN,
Májilis depýtaty