2022 jyl el tarıhynda úlken saıası ózgeristerge toly boldy. Eń aldymen aýyzǵa alatynymyz – Konstıtýsııalyq reforma. Halyq saıası ózgeristi jaqtap referendýmda daýys berdi. Mine, sonyń izin jalǵaǵan prezıdent saılaýy da máresine jetti. El senip Qasym-Jomart Toqaevty Memleket basshysy etip qaıta saılady. Prezıdenttiń 7 jyldyq jańa merzimge jáne tek bir rettik saılanýyn da eldiń saıası shejiresindegi jańa tarıhı bettiń bastalýyna baladym.
Prezıdent: «Halqymnyń senimi – maǵan amanat», dedi. Endeshe, biz úshin de Memleket basshysynyń senimi amanat bolyp, oǵan qııanat jasamaýymyz kerek. Qalaısha?! Qasym-Jomart Kemelulynyń qol qoıǵan jarlyqtaryn, bastamalaryn buljytpaı oryndap, adaldyq tanytsaq, sol – bizdiń amanatymyz.
Kezinde talaı nárseni kórdik. Jańadan ashylǵan zaýyttar lentasy qıylyp, ashylý rásimi ádemi ótkizilgen soń ertesine jabylyp qalyp jatty. Mine, osyndaı kózboıaýshylyqtan arylatyn ýaqyt jetti. Ondaı aldaýdy, qýlyqty el ekonomıkasy endi kótermeıdi.
Bir-birimizge tilektes bolyp, janashyrlyqpen qabyldanǵan baǵdarlama, josparlardy oryndamasaq, qujat sol qaǵaz kúıinde taǵy da qalyp qoıady. Alysqa barmaı-aq qasymyzdaǵy kórshimiz О́zbekstanǵa qaraıyqshy. Tehnıka ataýlynyń bárin shyǵaryp jatyr. Ushaqqa deıin jasaıdy. Bizdiń nege qolymyzdan kelmeıdi endeshe?! Árıne, keledi. Bul jerde elimizge keregi tek adaldyq pen ádildik. Prezıdent sol úshin de ádiletti qoǵam, ekonomıka, memleket dep keshegi ulyqtaý rásiminde bosqa aıtqan joq.
Marat SEIDAHMETOV,
ekonomıka ǵylymdarynyń kandıdaty, dosent
Shymkent