Prezıdent Qasym-Jomart Toqaevty ulyqtaý rásimine 3 myńǵa jýyq adam el óńirlerinen kelip qatysty. Bul óte mańyzdy, óıtkeni adamnyń sheni men shekpenine qaraı bólý bolǵan joq. Qarapaıym adam ulyqtaý rásiminiń qalaı ótetinine kýá boldy. Eshqandaı pafossyz-aq bul rásimniń dınamıkasy joǵary, demokratııalyq qarym-qatynasqa negizdelgen.
Prezıdenttiń sóılegen sózi áserli boldy, qatysýshylardyń barlyǵyn, ekran syrtynda qarap otyrǵan halyqty tolǵandyrdy dep sanaımyn. Qasym-Jomart Toqaev eldi tolǵandyrǵan negizgi máseleni dóp basyp aıtty. Saılaýaldy baǵdarlamasynda kórsetilgen basymdyqtardyń barlyǵy mindetti túrde oryndalatynyn senimmen jetkizdi. Ásirese syrtqa ketken qarjynyń qaıtarylatynyn, osyǵan baılanysty úlken jumys atqarylatyny kóptiń kóńilinen shyqty. О́ıtkeni ol – halyq qarjysy.
О́tken ulyqtaýlarmen salystyrar bolsaq, bul jolǵy saltanatty is-shara óte qarapaıym, demokratııalyq sıpatta ótti, sondaı-aq qarapaıym halyq ókilderiniń shaqyrylǵany qýantty. Prezıdenttiń ustanymy sekildi mádenıetti, shynaıy, kópsózdilikten góri iske negizdelgen kezdesý boldy. Ant qabyldaý sáti de erekshe tolqytty. Rásimnen soń barlyǵymyz bir-birimizben pikir almasýǵa da ýaqyt taptyq. Qatysýshylar erekshe áserde, kóńil kúıde bolǵanyn kórdim. Eń bastysy, elimiz tynysh bolyp, Memleket basshysynyń alǵa qoıǵan maqsattary, halyq aldyndaǵy ýádeleri oryndalatyn kún buıyrsyn deımin.
Bella GAZDIEVA,
Ulttyq quryltaı múshesi,
Prezıdent janyndaǵy memlekettik basqarý akademııasy Aqmola oblysy fılıalynyń dırektory