Elorda tórinde el Prezıdenti Qasym-Jomart Kemeluly Toqaevty ulyqtaý rásimine qatysý – men úshin zor qurmet ári jaýapkershilik júkteıtinin sezindim. Jastar saıasatynyń basy-qasynda júrgendikten Memleket basshysy alǵa qoıǵan josparlardyń nátıjeli júzege asýyna barynsha kúsh salýǵa daıynbyz.
Halqymyzdyń arǵy-bergi tarıhynda el-jurttyń birlik týynyń astyna aq nıetpen jınalyp, el tizginin ustaǵan tulǵanyń qurmetine ulyqtaý rásimin ótkizýdiń máni de, mańyzy da joǵary bolǵanyn bilemiz. Al osynaý jahandaný zamanynda egemen eldiń eńsesi tik, qadamy nyq ekenin kórsetip, derbestigin pash etip, álem kóz tikken bas qalada saltanatty túrde ulyqtaý rásiminiń joǵary deńgeıde ótkizilýi – halqymyzdyń san ǵasyrdan beri qalyptasqan saltqa berik bolyp, bekem birlik pen kórkem tirlikti ushtastyrýy deýge bolady.
Saılaýda Qasym-Jomart Toqaevtyń el jurtshylyǵynyń úlken qoldaýyna ıe bolyp, aıqyn basymdyqpen el Prezıdenti bolyp saılanýy – egemendikti baıandy etý jolyndaǵy eń bıik belestiń biri boldy. Bul – sanaly tańdaý. Sebebi Prezıdent júrgizip otyrǵan saıasat nátıjeli jáne jemisti bolyp otyrǵany belgili. Sol senim júgi eldi abyroıdyń bıigine shyǵaryp, ósý men órkendeýge, jańarý men jańǵyrýǵa negiz bolady dep senemiz.
Halqymyzdyń zor senimine ıe bolǵan Q.Toqaevty ulyqtaý rásiminde bárimiz ornymyzdan tik turyp qarsy aldyq. Sol kezdegi saltanat pen iltıpatty kúlli halqymyzdyń atynan kórsetilgen qurmetteı sezindim. Bul qoǵamymyzdyń ár múshesin shyn tolqytqan, ulttyń abyroıyn asqaqtatqan sát boldy. Memleket jaýapkershiligin moınyna alǵan, sońǵy jyldarda kemeńgerliktiń úlgisin kórsete bilgen tulǵanyń halyq aldynda ant berýi júrek tolqytty. Qazaqstannyń kósegesiniń odan ári kórkeıe beretinine, tarıhtyń jaýapty kezeńinde jańa jeńisterge jetetinimizge senimimiz ulǵaıdy. Qoǵamdaǵy tynyshtyqqa, ulttar men ulystardyń uıysqan yntymaǵyna jetetin ne bar!
Memleket basshysy jaýapty sátte sóılegen sózinde el ekonomıkasyn odan ári nyǵaıtýdyń, qoǵamdy biriktirýdiń túıindi máselelerin qozǵady. «Qazir biz osy qıyn-qystaý joldyń basynda turmyz. Aldymyzda atqaratyn jumys kóp. Ərbir azamat eldiń bolashaǵy úshin óz jaýapkershiligin sezinýge tıis. Memlekettik saıasatymyzdyń negizgi baǵyty – bilim berý isinen bastap ındýstrııalandyrýǵa deıin qoǵamnyń barlyq salasyn jańǵyrtý. Elimizdiń uzaq merzimdi ekonomıkalyq ósiminiń negizin jańa tehnologııalar, joǵary eńbek ónimdiligi, azamattardyń shyǵarmashylyq bastamalary quraıdy», dedi Prezıdent. Endeshe, biz, jastar, elimizdiń qarqyndy damýyna belsendi atsalysýǵa daıynbyz!
Sanıra JÚSIPOVA,
«Amanat» partııasy Pavlodar oblystyq fılıaly «Jastar rýhy» jastar qanatynyń tóraǵasy