Mańyzdy máseleler sheshimin tabady

Keshe Premer-Mınıstrdiń birinshi orynbasary Baqyt­jan Saǵyntaev bastaǵan Úkimet músheleri Orta­lyq kom­mýnıkasııa­lar qyzmetinde baspasóz máslıhatyn ótkizdi. Onda elimizdiń áleý­met­tik-ekono­mı­kalyq damýynyń birqatar máseleleri áńgime boldy. Úkimet basshysynyń orynbasary Úkimet otyrysynda talqylanyp, qaralǵan máseleler jóninde aıtty. Onda elimizdiń áleýmettik-ekonomıkalyq damýy táptishtelgenin, Memleket basshysynyń tapsyrmalaryn oryndaý aıasynda Almatyda óńirlik qarjy ortalyǵyn qurý jáne onyń jumys isteýine qatysty máseleler zerdelengenine toqtaldy. Sondaı-aq, 2014-2015 jyldarǵa arnalǵan tutynýshylardyń qu­qyq­taryn qorǵaý júıesin jetildirý boıynsha keshendi jospar jobasy qaralyp, maquldanǵanyn jarııa­lady. Úkimet otyrysynda О́ńir­lik damý mınıstri B.Jámishev jer zańnamasyn jetildirý boıyn­sha sharalar týraly, al Aýyl sha­rýa­shy­lyǵy mınıstri A.Mamytbekov ve­terınarlyq qaýip­sizdikti qamta­ma­syz etý týraly baıan­dama jasaǵan. Qorshaǵan orta jáne sý resýrstary mınıstri N.Qap­parov sý resýrstaryn basqarý boıyn­sha memlekettik baǵdarlamany júzege asyrý jónindegi is-shara­lar josparynyń birinshi kezek­tegi sharalary týraly áńgime­legen. Oǵan zer salsaq, jos­pardyń bes maqsatty ındıkatory bar eken. Bul – sýdy únemdeý, sý resýrstaryn arttyrý, aýyz sýmen jabdyqtaý, sý burý jáne ekojúıeni saqtaý. Naqty aıtqanda, jospar sý tutynýdy IJО́ deńgeıi boıynsha 14 paıyzǵa azaıtýdy, sý jınaýǵa arnaıy sharalar qoldanýdy, ásirese trans­shekaralyq ózenderge táýel­dilikti tómendetýdi qaras­tyratyn kórinedi. Munymen birge, respýblıkalyq jáne kom­mýnaldyq menshiktegi magıs­traldik jáne úlestirýshi sý arnalaryn kúrdeli jóndeýden ótkizip, qalpyna keltirý josparlanǵan. Sondaı-aq, elimizde jańadan 29 sý qoımalaryn salý qarastyrylyp jatyr eken. Úkimet otyrysynda ta­bıǵı monopolııalardy retteý agenttiginiń tóraǵasy M.Os­pa­nov tarıftik saıasatty jetil­dirý boıynsha tásilderdi baıandap bergen. Al Eńbek jáne halyqty áleýmettik qor­ǵaý mı­nıstri T.Dúısenova «Ju­mys­­pen qam­týdyń jol kartasy-2020» baǵdarlamasyn taǵy bir py­syqtaý úshin ortaǵa salǵan. Baspasóz máslıhatynda sóz alǵan Tutynýshylardyń quqy­ǵyn qorǵaý agenttiginiń tóra­ǵasy B.Qýandyqov Qazaqstanda búgingi kúni zerthanada júr­gizilgen jumystardyń nátı­jesinde qyzylsha aýrýyn juq­tyrýdyń 140 faktisi anyqtal­ǵanyn jaıyp saldy. «Bıylǵy jyldyń basynan beri zerthanada dáleldengen qyzylsha juqtyrýdyń 140 faktisi anyq­taldy. Qazirgi ýaqytta agenttik tıisti jumysty qolǵa alǵan. Biz aýrýdyń negizgi sebepterin saraladyq, keı kezde vaksına júrgizilmegendikten, osyndaı jaǵdaıǵa dýshar boldyq. Sondyqtan qazirgi ýaqytta basty mindet egiletin toptardy tolyq qamtý bolyp otyr. Negizinen, olar 29 jasqa deıingi jastar», dedi tóraǵa. Búginde agenttik aýmaqtyq qurylymdarǵa tıisti tapsyrma berip, bul jumysty jergilikti ákimdiktermen bir­lesip atqarýdy qolǵa alypty. Buıyrt­sa, taıaý arada aýrýdyń sal­­daryn joıý úshin barlyq qa­jetti is-sharalar bastalǵaly tur eken. О́ńirlik damý mınıstri Úki­met otyrysynda jerdi tıimdi paıdalaný erejelerine nor­ma­tıvtik qujat mártebesin be­rýdi usynǵanyn aıtty. «Aýyl­sharýashylyq mańyzy bar jerlerdi ınventarızasııalaý júrgizilip jatqan úsh jylda qandaı jer telimderi maqsatty túrde, qaısysy tıimsiz qolda­ny­lyp jatqanyn anyqtaý boıynsha birqatar máseleler týyndady. Osyǵan oraı zańnamalyq turǵyda birqatar ózgeristerdi engizý usynylyp otyr. Olar bul túsinikterdi naqtylap, qoldanylmaı jatqan jer telimderin anyqtaýdyń tıimdi tetikterin aıqyndap beretin bolady. Jerdi tıimdi paıdalaný erejelerine normatıvtik qujat mártebesin berýdi osy maqsatta usynyp otyrmyz», dedi Jámishev. Bul usynysty olar Aýyl sharýashylyǵy mınıstrligimen birge ázirlepti. Nurbaı ELMURATOV, «Egemen Qazaqstan».