Tennısten áıelder arasyndaǵy Qazaqstan ulttyq quramasynyń kóshbasshysy Elena Rybakına bıyl WTA sanatyndaǵy jarystarda 57 match ótkizip, 370 eıs jasaǵan. Otandasymyz osy nátıjemen úzdikter sanatynda ekinshi orynnan kórindi.
Eıs jasaýda eptilik tanytqandardyń kóshin bıylǵy WTA qorytyndy týrnıriniń chempıony, álemdik reıtıngte tórtinshi orynǵa jaıǵasqan fransııalyq Karolın Garsııa bastap tur. Ol bir jyl ishinde 63 matchqa qatysyp, 394 eıs jasaǵan. Ekinshi satyǵa Elena jaıǵassa, reseılik Veronıka Kýdermetova (59 match, 265 eıs) úzdik úshtikke ilikti. Tennıs jankúıerleriniń esinde bolsa, Rybakına 2020 jyly 193 eıspen áıelder tennısi qaýymdastyǵynda (WTA) ozyq shyqqan edi.
Erler arasyndaǵy ATR jarystarynyń qorytyndysy boıynsha, Qazaqstannyń birinshi raketkasy Aleksandr Býblık eıs jasaýdan 6-orynǵa taban tiredi. Ol 55 básekede 715 eıske qol jetkizdi. О́tken jyly qazaqstandyq tennısshi bul jóninen aldyna jan salmaǵan edi (62 match, 840 eıs).