Eýropa fýtbol qaýymdastyqtary odaǵynyń (ÝEFA) atqarýshy komıteti qyzdar arasynda Ulttar lıgasy týrnıri uıymdastyrylatynyn málimdedi.
Qyzdar arasyndaǵy dop dodasy 2024 jyly Fransııada ótetin Olımpııa oıyndaryna irikteý týrnıri bolmaq, sonymen qatar Eýropa jáne álem chempıonatynyń irikteý kezeńderine yqpal etedi. Jańa format áıelder arasynda Eýro-2025 jarysynan bastaý alady. 2023 jyldyń kúzinen bastap týrnırdiń jańa júıesi ulttyq quramalar úshin ÝEFA Ulttar lıgasy men Eýropalyq irikteý kezeńin biriktiredi. Ol arqyly dıvızıondarǵa ótý (joǵary jáne tómen) qaǵıdasy qabyldanyp, Ulttar lıgasynyń fınaldyq týrnıri oınalady.
Qazaqstan quramasy S lıgasynda Albanııa, Malta, Izraıl, Ázerbaıjan, Túrkııa, Soltústik Makedonııa, Kosovo, Chernogorııa, Lıýksembýrg, Estonııa, Moldova, Lıtva, Latvııa, Bolgarııa, Kıpr, Farer araldary, Grýzııa, Armenııa quramalarymen synǵa túsedi.