Sársenbi kúni Madrıdtegi Ýkraına elshiliginde jarylys bolyp, bir adam zardap shekti, dep habarlaıdy Egemen.kz.
«Ispanııadaǵy Ýkraına elshiligine konvert keldi. Ony tekserý kezinde jarylys boldy. Qyzmetker jeńil jaraqat alyp, aýrýhanaǵa jetkizildi. Qajetti medısınalyq kómek kórsetiledi. О́mirge qaýip tónip turǵan joq. Elshiliktiń qalǵan qyzmetkerleri zardap shekpegen», dep jazdy Ýkraına Syrtqy ister mınıstrliginiń baspasóz hatshysy Oleg Nıkolenko Facebook-te.
Ol Syrtqy ister mınıstri Dmıtrıı Kýleba Ýkraınanyń sheteldegi barlyq elshilikteriniń qaýipsizdigin shuǵyl túrde kúsheıtýdi tapsyrǵanyn atap ótti.
Mınıstr jarylystyń artynda kim tursa da, olar ýkraınalyq dıplomattardy qorqyta almaıtynyn basa aıtty.