Fransııa-Anglııa: Fınalǵa parapar oıyn

Jasyratyny joq, Polsha – osy álem chempıonatynyń pleı-off kezeńine shyqqan eń álsiz quramanyń biri. Týr­nırdiń top­tyq kezeńinde Saýd Arabııasyn 2:0 esebimen je­ńip, Meksıkamen teń oınaǵan (0:0) Polsha fýtbolshylary tórt upaımen áreń degende 1/8 fı­nalǵa joldama aldy. Dáliregi, qaqpashy Voıseh Shchensnıdiń jeke sheberligi arqasynda pleı-offta oınaý baqytyna ıe boldy. 30 jastaǵy «Iýventýs» klý­bynyń qaqpashysy toptyq ke­zeńdegi úsh matchta 16 seıv jasap, eki matchta qaqpasyna bir­de-bir gol ótkizgen joq. Tip­ti Messı men Ad-Dovsarıdiń penaltıden tepken dobyn qaı­tara bildi. Fýtbolda barlyq matchtyń taǵ­dyryn bir fýtbolshy sheshetin bolsa, onda Ar­gentına keıingi tórt álem chempıonatynda kýboktan úı tur­ǵyzatyn edi.

Keshegi matchta da Robert Le­­van­dovskı bastaǵan Polsha jigitteri óte nashar oıyn kór­setti. 90 mınýt boıy Ýgo Lorıs qor­ǵaǵan qaqpaǵa nebári úsh márte dál soqqy jasaı aldy. Tek oıyn­nyń sońǵy mınýtynda ǵana Levandovskıdiń bir penaltıdi eki ret teýip, ekin­shisinde áreń gol salǵanyn aıt­paǵanda.

Al Fransııa bolsa, qata­ry­nan eki dúrkin álem chempıony ataný maqsatynda taǵy bir ma­ńyzdy qadam jasady. Birinshi taımdaǵy Olıve Jırýdiń goly men ekinshi taımdaǵy Kılıan Mbappeniń dýbli Fransııaǵa jeńis syılady – 3:1. Bıylǵy chempıo­nattaǵy besinshi golyn soqqan Kılıan surmergender kó­shinde 5 golmen jeke-dara kósh bastady.

Fransııa men Polsha fýtbolshylary álem chempıonattarynyń tarıhynda osymen ekinshi ret kezdesti. Eń alǵash 1982 jy­ly Is­panııada ótken álem birin­shiliginiń úshinshi oryn úshin ót­ken matchynda jolyǵyp, sol joly polshalyqtar 3:2 esebimen basym túsken bolatyn. Arada 40 jyl ótkende fransýzdar Pol­shadan ese qaıtardy.

Pleı-offtyń tórtinshi match­ynda Senegaldy senimdi túr­de jeńgen Anglııa shırek fı­nalda Fransııaǵa qarsylas atandy. Toptyq kezeńdegi eki oıynda qar­sylastaryn iri eseppen (Anglııa – Iran 6:2, Anglııa – Ýels 3:0) tize búktirgen aǵyl­shyndar bul joly da afrı­kalyqtardyń qaqpasyna jaýap­syz úsh gol soq­ty. Kezdesýdiń 35-mınýtynda Djordan Hen­der­son Bellıngemniń pasynan keıin matchtyń esebin ashsa, bi­rinshi taım aıaqtalar tusta kapıtan Harrı Keın esepti 2:0-ge jetkizdi. Keınniń alańdaǵy ne­gizgi jumysy gol soǵý bolsa da, ol osy chempıonattaǵy tór­tin­shi matchynda alǵashqy golyn soqty. Sha­býylǵa qaraǵanda jar­­tylaı qorǵanysta saýatty óner kórsetetin Keın árip­testerine gol soǵatyn múm­kin­dik týdyryp bergendi qup kó­retin fýtbolshy.

Keıingi tórt matchta aǵylshyn­dardyń oıynynan mynadaı bir erekshelikti baıqadyq. Iаǵ­nı olar kez kelgen matchtyń esebin birinshi bolyp ashady da, ekin­shi golyn da jyldam soǵýǵa ty­­rysady. Senegalmen ótken matchta da solaı istedi. Kez­de­sý­diń ekinshi taımynda Saka aǵyl­shyndardyń úshinshi golyn soqty – 3:0.

Sóıtip, 10 jeltoqsanǵa jos­par­lanǵan shırek fınalda bir-birine laıyqty qarsylas – Fran­sııa men Anglııa quramalary kez­desedi. Dál osy fı­nal­ǵa ber­gisiz match bı­ylǵy chem­pıon­nyń kim bola­ty­nyn anyqtap berýi de ǵa­jap emes.