Fınlıandııanyń Rýka qalasynda uıymdastyrylǵan frıstaıl-akrobatıkadan Álem kýboginiń alǵashqy kezeńi máresine jetti.
Qysqy sport maýsymynyń bastalǵanyna kóp bola qoımasa da, álemdik arenada baq synap júrgen qazaqstandyq sportshylar óreli ónerimen kózge túsip jatyr. Máselen, Rýkadaǵy frıstaıl-akrobatıkanyń alǵashqy kezeńinde qazaqstandyq Janbota Aldabergenova sátti óner kórsetip, bıylǵy Álem kýbogindegi birinshi qola júldesin jeńip aldy. Ulttyq qurama kóshbasshysy fınaldaǵy jattyǵýynda 80,04 ball jınap, úzdik úshtiktiń qatarynan kórindi. Osylaısha, Janbota Álem kýbogindegi jarystarda osymen besinshi márte jeńis tuǵyryna kóterildi. Qazirgi tańda ol Álem kýboginiń reıtınginde úzdik úshtiktiń qatarynda tur.
Alǵashqy kezeńde aýstralııalyq Danıel Skott top jarsa, kanadalyq Marıon Tenoýlt kúmis júldege ıe boldy. Qazaqstandyq Aıana Joldas pen Ardana Mahanova irikteý kezeńinen óte almady.