Senat depýtattary Áleýmettik-mádenı damý jáne ǵylym komıtetiniń keńeıtilgen otyrysynda memlekettik jastar saıasaty jáne áleýmettik qamsyzdandyrý máseleleri týraly zań jobasyn talqylady.
Qujatta jastardyń jas mejesin 35 jasqa deıin ulǵaıtý, jastar resýrstyq ortalyqtarynyń fýnksııalaryn keńeıtý, memlekettik jastar saıasatynyń negizgi baǵyttaryna jastardyń sıfrlyq saýattylyǵyn arttyrýdy jáne volonterlik qyzmetti damytýdy qosý, sondaı-aq balanyń bir jarym jasqa tolǵanǵa deıingi kútimi boıynsha járdemaqy tóleý merzimin ulǵaıtý týraly máseleleri qarastyrylǵan.
Depýtattar bul erejeler memlekettik jastar saıasaty men áleýmettik qamsyzdandyrý salasyndaǵy zańnamany jetildirýge yqpal etedi dep sanaıdy.
Senatorlar keńeıtilgen otyrystyń qorytyndysy boıynsha zań jobasyn Palatanyń qaraýyna jiberý týraly sheshim qabyldady.