Halyqaralyq qaýipsizdiktiń mańyzy

Is-shara barysynda jıynǵa qatysýshylar qaýipsizdiktiń óńirlik jáne halyqaralyq ózekti máseleleri, sonyń ishinde terro­rızmge, separatızm men ekstre­mızm­ge, qarý men esirtkiniń zańsyz aınalymyna, transulttyq uıym­das­qan qylmysqa qarsy is-qımyl, halyqaralyq aqparattyq qaýipsiz­dikti qamtamasyz etý salalaryn­daǵy yntymaqtastyqty damytý jóninde jan-jaqty pikir almasty.

Taraptar Aýǵanstandaǵy qazirgi jaǵdaıdy jáne onyń óńirdegi qaýip­sizdik pen turaqtylyqqa áserin, sondaı-aq «Soltústik – Ońtús­tik» halyqaralyq kó­lik dálizin (INSTC) damytý pers­pek­tıva­laryn talqylady.

Ǵızat Nurdáýletov áriptesterin halyqaralyq jáne óńirlik qaýip­siz­diktiń ózekti máselelerine qatys­ty Qazaqstannyń ustanymy týraly habardar etip, «Ortalyq Azııa – Ún­distan» dıalogy aıasyn­da qa­ýip­sizdik salasyndaǵy ynty­maq­tastyq jóninde birqatar usynys aıtty.

Kezdesý qorytyndysy bo­ıynsha kezdesýge qatysý­shy­lar birlesken kommıýnıke qa­byl­dady. Qujatta Qazaq­stan Res­pýb­lıkasynyń BUU aıasynda Aýrýlar men bıologııalyq qaýipsizdikti baqylaý jónindegi óńirlik orta­lyqtar jelisin qurý, sondaı-aq arnaıy kópjaqty organ – Bıo­logııalyq qaýipsizdik jónindegi ha­lyqaralyq agenttik (IABS) qurý jónindegi bastamasynyń mańyz­dylyǵy atap ótildi.

Sapar aıasynda Úndistan Res­pýblıkasy Premer-mınıstriniń Ulttyq qaýipsizdik jónindegi keńes­shisi Adjıt Dovalmen ekijaqty kezdesý ótti.

Kezdesý barysynda taraptar Qazaqstan men Úndistan arasynda strategııalyq is-áreketterdiń qar­qyndy damyp kele jatqanyn atap ótip, óńirlik qaýipsizdikti qamta­masyz etý máselelerin talqylady.

Esterińizge sala keteıik, for­ým memleketter basshylarynyń «Ortalyq Azııa – Úndistan» atty birinshi sammıti barysynda óńir­lik qaýipsizdik máselelerin talqy­laý úshin Qaýipsizdik keńes­teri hatshylarynyń turaqty kezde­sý­lerin ótkizý týraly qol jetki­zilgen ýaǵdalastyqty damytý maq­satynda uıymdastyryldy (sam­mıt 2022 jyly 27 qańtarda beı­ne­baılanys formatynda ótti).