Qazaqstan Respýblıkasy Prezıdenti Ákimshiliginiń Basshysy Nurlan Nyǵmatýlın ortalyq atqarýshy organdardyń jaýapty hatshylary ınstıtýtyn odan ári damytý máseleleri jóninde keńes ótkizdi, dep habarlady Prezıdenttiń baspasóz qyzmeti.
Prezıdent Ákimshiligi basshylyǵy jáne mınıstrlikter men agenttikterdiń jaýapty hatshylary qatysqan Aqordadaǵy kezdesý barysynda memlekettik organdardyń Memleket basshysy aktileri men tapsyrmalaryn oryndaý, memlekettik qyzmet kórsetý, bıýdjet qarajatyn paıdalaný, sondaı-aq, strategııalyq maqsattar men mindetterdi atqarý salasyndaǵy jumysynda kezdesetin negizgi problemalar talqylandy.
Budan bólek, ortalyq atqarýshy organdardyń aǵymdaǵy jumysynyń túrli máselelerin talqylaý jáne sheshý maqsatymen Prezıdent Ákimshiligi Basshysynyń jaýapty hatshylarmen apta saıynǵy kezdesýin ótkizý tájirıbesin engizý jóninde sheshim qabyldandy.
Keńes qorytyndysy boıynsha jaýapty hatshylarǵa memlekettik apparattyń turaqty jáne tıimdi jumysyn qamtamasyz etý jóninde naqty tapsyrmalar berildi.