Nursultan Nazarbaev Ábdel Fattah as-Sısıge Egıpet Arab Respýblıkasynyń Prezıdenti laýazymyna saılanýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Memleket basshysy Egıpette Ábdel Fattah as-Sısıdiń basshylyǵymen saıası turaqtylyq ornap, ornyqty áleýmettik-ekonomıkalyq damýdyń qamtamasyz etiletinine senim bildirgen.
«Qazaqstannyń Egıpet Arab Respýblıkasyn ıslam álemindegi mańyzdy seriktesiniń biri retinde qarastyratynyn jáne elderimiz arasyndaǵy ekijaqty yntymaqtastyqty odan ári arttyrýǵa, kópjaqty qurylymdar aıasyndaǵy ózara is-qımyldy kúsheıtýge múddeli ekenin aıtqym keledi», – delingen jedelhatta.
Nursultan Nazarbaev Ábdel Fattah as-Sısıge myqty densaýlyq, eldi damytýǵa baǵyttalǵan jaýapty qyzmetine zor tabys, al baýyrlas Egıpet halqyna beıbitshilik pen baq-bereke tiledi.
* * *
Memleket basshysy Korol Hýan Karlos I-niń taqtan bas tartý jónindegi batyl sheshimin ataı otyryp, onyń izbasaryna jan-jaqty qoldaý kórsetýge ázirligin jetkizdi, dep habarlady Prezıdenttiń baspasóz qyzmeti.
Sonymen qatar, Nursultan Nazarbaev Korol Hýan Karlos I taqta otyrǵan jyldary elderimiz arasynda qalyptasqan tyǵyz qarym-qatynas pen strategııalyq áriptestik dástúriniń odan ári jalǵasa beretinine senim bildirgen.
Sońynda Qazaqstan Prezıdenti Hýan Karlos I-ge myqty densaýlyq, mol tabys, al Ispanııa halqyna baq-bereke men molshylyq tiledi.