Atyraý oblystyq prokýratýrasynda zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesi jumys jasaıdy. Osy keńestiń kezekti otyrysynda Qazaqstan Respýblıkasynda dinı ekstremızm men terrorızmge qarsy is-qımyl jónindegi 2013-2017 jyldarǵa arnalǵan memlekettik baǵdarlamanyń óńirdegi oryndalý máselesi qaraldy.
Atalǵan baǵdarlamany iske asyrý maqsatynda jergilikti atqarýshy organdar janyndaǵy aqparattyq-nasıhattaý toptarynyń quramyna joǵary kásibı memlekettik qyzmetshiler, bilikti teologtar, ımamdar jáne muǵalimder engizilgen. Mundaı aqparattyq-nasıhattaý toptardyń jumysy oblystyń dinı ahýalyna oń áserin tıgizip otyr. Sonyń dálelindeı, bıyl Atyraýda ekstremızm jáne terrorızmmen baılanysty qylmystar ótken jylǵy kórsetkishpen salystyrǵanda 50 paıyzǵa tómendegen.
Naqtylaı aıtqanda, bıylǵy jyl basynan beri 4 qylmys tirkelip otyr. Onyń 3-eýi boıynsha Qylmystyq kodekstiń 233-3-babymen (terrorıstik nemese ekstremıstik qyzmetti qarjylandyrý), taǵy bireýi boıynsha Qylmystyq kodekstiń 233-2-babymen (terrorıstik toptyń qyzmetine nemese ol jasaǵan terrorızm aktilerine qatysý) qylmystyq is qozǵalyp, tergelýde.
Joldasbek ShО́PEǴUL,
«Egemen Qazaqstan».
Atyraý oblysy.