1 shildede Kongress-Holl saraıynda Qala kúni merekesine oraılastyrylǵan «Máńgilik el – ult muraty» poezııa keshinde «Máńgilik el» respýblıkalyq músháırasy qorytyndylanady.
Poezııa keshinde jańa jyr jaýharlarymen tolyqqan qazirgi qazaq poezııasynyń týǵan el men astanaǵa arnalǵan úzdik týyndylardy oqylyp, baıqaý jeńimpazdary marapattalady. Sondaı-aq baıqaý qatysýshylarynyń barlyq shyǵarmalary toptastyrylǵan kitap basyp shyǵarý, týyndylardy jarııalaý josparlanǵan.
Baıqaý maqsaty: ózge eldermen ıyq tiresken táýelsiz Qazaq elin jáne onyń aı dıdarly Astanasyn jyrǵ qosý, úzdik týyndylardy jınaqtaý.
Baıqaý mindeti: baıqaýdyń úzdik týyndylaryn keńinen dáripteý, júrekten shyqqan áserli shyǵarmalar arqyly keler urpaq boıyna týǵan elge, astanaǵa degen súıispenshilik sezimin uıalatý.
Uıymdastyrýshylar baıqaý qatysýshylarynan poezııa paraqtarynda altyn árippen órnekteletin qaıtalanbas, áserli týyndylar kútedi.
Danııar Alan.