Qoǵam ókilderi marapattaldy

Keshe Astanada jeńil ónerkásip qyzmetkerleriniń ataý­ly kúnine oraı sala qyzmetkerlerin quttyqtaý sharasy «Astana qalasy Qazaq sańyraýlar qoǵamynyń oqý-óndiristik kásiporny» mekemesinde boldy. Oǵan Indýstrııa jáne jańa tehnologııalar mınıstrliginiń О́nerkásip komıtetiniń tóraǵasy Baqtybaı Qasymbekov qatysyp, salaǵa eńbegi sińgen qyzmetkerlerdi marapattady. Osydan úsh jyl buryn Elba­synyń Jarlyǵymen bekitilgen «Jeńil ónerkásip qyzmetkerleri kúni» kásiptik merekesi osy maý­sym aıynyń ekinshi jeksenbisi bo­lyp belgilengen edi. Odan bir jyl buryn Údemeli ın­dýs­­trııa­lyq-ınnovasııalyq da­­mý baǵdarlamasynyń aıasyn­da jeńil ónerkásipti órkendetý baǵ­­­­dar­lamasy da jasalyp, maq­sat­ty júzege asyryla bas­ta­ǵany málim. Komıtet tóra­ǵasy eldegi jeńil ónerkásip sala­sy­nyń damý úrdisteri týraly áń­gi­melep, ındýstrııalandyrý baǵ­dar­lamasynyń alǵashqy bes­jyl­dyǵynda atqarylǵan is-shara­larǵa toqtaldy. Baǵdarlamanyń negizgi min­detteriniń biri shıkizat óńdeý, qo­sylǵan quny joǵary jáne keleshekte syrtqy naryqtarǵa shyǵarý múmkindigi mol joǵary sapaly ónim óndirý esebinen jeńil ónerkásip ónimderine degen ishki naryq qajettiligin qa­naǵattandyrý, sondaı-aq, eńbekke qabiletti halyqty jumyspen qamtamasyz etý bolyp tabylady. Qazirgi ýaqytta respýblıkada 1,5 myńnan astam jeńil ónerkásip kásiporyndary jumys isteıdi, onyń 97 paıyzyn shaǵyn jáne orta kásiporyndar quraıdy. Olarda negizinen názik jandylar jumys isteıdi eken. Respýblıkada 800 myńnan astam shaǵyn jáne orta kásiporyndar jumys istese, onda 2,4 mln. adam eńbek etedi. Atalǵan sektorda óndiris kólemi sońǵy 4 jylda 1,6 mlrd. teńgeden 8,3 mlrd. teńgege deıin ósken. Eldegi jeńil ónerkásiptiń jaı-kúıi týraly tolyq málimet bergen tóraǵa merekelik shara­nyń marapattaý rásimine kóshti. «Biz búgin óndiris pen joǵary mek­tep ozattaryn marapattaý múm­kin­digin usynyp otyrǵan oqý-ón­diristik kásiporyn qabyr­ǵasynda otyrmyz. Memleket bas­shysy Joldaýynda múmkin­dikteri shekteýli adamdarǵa asa kóńil bólgenin bilesizder. Kásip­oryndaryńyzda 50-den as­tam adam eńbek etedi. Respýb­lıkamyzda sańyraýlar qoǵa­my­nyń 19 kásiporny jumys is­teıdi, olarda myńdaǵan adamdar tabysty eńbek etýde. Al zaǵıptar qoǵamynyń 36 kásipornynda 4 myńnan astam jumysker bar. Bul kásiporyndardyń kópshiligi jeńil ónerkásip ónimderin shyǵarady. Osy salaǵa jetekshilik etetin memlekettik organ retindegi bizdiń mindetimiz sizderdiń jemisti eńbek etýlerińiz úshin barlyq jaǵdaılardy jasaý bolyp tabylady. Mysaly, qazirgi tańda sizderdiń kásiporyndaryńyzǵa memlekettik tapsyrystar beri­lýine kúsh salyp jatyrmyz. Bola­sh­aqta da tapsyrys­tarmen qamta­masyz etilýlerińizge erekshe kóńil bólinetin bolady. Al sizder alǵa qoıǵan mindetterdi mer­zi­minde jáne sapaly oryn­daı­tyndaryńyzǵa senemin», dedi. Sóıtip, Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń alǵys hattarymen salanyń 18 qyzmetkeri, al О́ndiris komıteti tóraǵasynyń alǵys hattarymen 35 jumysker marapattaldy. Olardyń arasynda atalǵan mekemeniń dırektory N.Tókenov, kásiporyn dırektorynyń orynbasary R.Keńesbaev, tigin sehynyń sheberi Q.Serikbaeva, tiginshiler R.Haıbrahmanova men Z.Son, Qazaq tehnologııa jáne bıznes ýnıversıtetiniń ustazdary, tehnıka ǵylymdarynyń kandıdattary J.Baıjanova, B.Nurmuhambetova bar. Nurbaı ELMURATOV, «Egemen Qazaqstan».